Thursday , July 25 2024
Daniel Fernando, Bulacan, Covid-19 vaccine

1K manggagawa sa konstruksiyon at manupaktura binakunahan (Sa Bulacan)

NAUNA nang binakunahan ng pamahalaang panlalawigan ng Bulacan ang 1,000 mangga­gawa sa industriya ng konstruk­siyon at manupaktura ng Sinovac vaccine bilang bahagi ng 10,000 target mabakunahan kaugnay ng pangako ng National Employment Recovery Strategy (NERS) Task Force na mapadali para sa mga manggagawa sa ilalim ng proyektong Reform. Rebound. Recover: 1 Million Jobs for 2021.

Sa ginanap na paglulunsad ng programa na ginanap sa Hiyas ng Bulacan Convention Center sa lungsod ng Malolos nitong Linggo, 26 Setyembre, sinabi ni Gob. Daniel Fernando na hudyat ang mga katulad na programa sa pagbangon ng lokal at nasyonal na ekonomiya.

“Tunay na napakagandang oportunidad po nito para sa ating mga manggagawang Bulakenyo dahil may trabaho na, may bakuna pa. Tayo naman po sa pamahalaang panlalawigan at bilang bahagi ng People’s Agenda 10, sisiguraduhin natin na may masiglang kabuhayan, kalakalan, at trabaho para sa bawat Bulakenyo,” anang gobernador.

Samantala, umapela si Department of Labor and Employment (DOLE) Under­secretary Benjo Santos Bena­videz sa mga manggagawa, lalo sa mga nasa industriya ng konstruksiyon na magpabakuna, dahil ang mga bakuna ay libre, ligtas, at epektibo.

“Pauna pa lamang po ito. Sa mga susunod na linggo ay itutuloy natin ang pagpapa­bakuna sa mga manggagawa sa construction at manufacturing sectors kasama na po ang supply chain,” ani Usec. Benavidez.

Babakunahan kontra CoVid-19 ang natitirang hindi pa baku­nadong mga manggagawa ng konstruksiyon at manupaktura kung ano ang  mayroon sa araw ng kanilang iskedyul.

Layunin ng proyektong Reform. Rebound. Recover: 1 Million Jobs for 2021, na agarang makapagpadala ng mga manggagawang Pinoy sa construction, manufacturing, partikular sa semiconductors at electronics, tourism and hospitality, at export industries, sa ilalim ng policy environment na makatutulong sa paglikha ng trabaho sa buong bansa.

(MICKA BAUTISTA)

About Micka Bautista

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Leave a Reply

Your email address will not be published. Required fields are marked *