Tuesday , November 30 2021
YANIG ni Bong Ramos
YANIG ni Bong Ramos

Community quarantine to alert level pangalan lang ang nagbabago ngunit walang pagbabago

YANIG
ni Bong Ramos

ANO na naman kaya ang bagong patakarang ipatutupad ng ating gobyerno matapos alisin ang mga community quarantine na pinalitan ngayon ng alert level?

Mukhang mga titulo lang at pangalan ang nagbabago pero sa totoo lang, iyon at iyon din naman ang konteksto at wala rin nagbabago.

Hindi kaya pinalulundag lang tayong mga mamamayan na kung tutuusin ay tawag lang ang iniiba pero iisang anyo rin?

Maraming negosyo ang binuksan sa pagpapatupad sa alert level 4 sa NCR ngunit iyon pa rin ang mga sangkap at lahok na iginigisa.

Magaganda ang mga bagong bokabularyong nilikha ng mga taong nagbalangkas nito tulad ng mga special lockdown, granular lockdown at kung ano-ano pa na kung minsan ay hindi na maintindihan ng mga tao.

Ang mga alituntunin at mga ginawang patakarang ay tila naglalaro lang sa isang tono at timpo na matagal ng plakadong kantahin ng madlang people.

Mahigit isang taon at kalahati na nating sinakyan ang aral na ito na paulit-ulit lang ngunit iyon at iyon din naman at wala rin ipinagbago kundi pangalan lang, panibagong eksperimento.

Sa kasalukuyan, inilagay nila sa alert level 4 ang NCR na mayroon namang heightened restrictions sa ilang aktibidad na dapat sundin ng mamamayan. Maraming beses nang nangyari.

Hindi kaya tayo binabaterya na lang ng mga taong may akda at nagsagawa ng mga aktibidad at mga programang ‘yan?

Para bang ayaw na yata tayong paalisin sa loob ng andador o kolong-kolong na wala tayong karapatang gumalaw at maging malaya.

Mukhang hanggang doon lang ang espasyo natin at hangganan sa loob ng bakuran nilang ginawa. Doon lang tayo puwedeng gumalaw at maglaro na hindi natin malaman kung hanggang kailan.

Maganda sana kung may nagbabago sa kanilang mga pinapasunod na kung ano-ano laban sa kasalukuyang pandemya ngunit wala rin naman, ‘di po ba?

Hindi kaya nagsasawa at nauumay ang mga tao sa kanilang pinag-uusapan at ginagawa sa loob ng isang taon at kalahati na lalong naghihirap ang kanilang mga kababayan.

Hindi kaya nakokonsensiya ang mga damuho partikular ang mga taong bumubuo ng IATF na inatasan ng ating mahal na Pangulong Rodrigo Duterte hinggil sa CoVid-19 response.

Mantakin ninyong kulang dalawang taon na silang naghaharapan na halos magkapalit-palit na ang mga mukha ay ganon pa rin, bagkus ay lalo pa yatang lumalala ang sitwasyon. All year round ay sila-sila rin hanggang sa kasalukuyan at lalo pang nadagdagan ang pero wala rin namang mga silbi. Tsk tsk tsk…

Hindi naman siguro kasalanan kung umayaw naman kayo para nabigyan naman ng pagkakataon ang iba nating kababayan, delicadeza ‘ika nga ng mararangal na tao. Mas hahangaan at sasaluduhan pa kayo siguro ng ating mga kababayan kung gagawin ninyo ‘yan.

About Bong Ramos

Check Also

Isumbong mo kay DRAGON LADY ni Amor Virata

COMELEC seryoso ba sa campaign guidelines?

Isumbong mokay Dragon Ladyni Amor Virata TILA mahihirapang sundin ng taongbayan ang inilabas na alituntunin …

PROMDI ni Fernan AngelesI

Dorobong haciendero

PROMDIni Fernan Angeles HABANG abala ang marami sa paghahanda para sa nalalapit na halalan, sinasamantala …

Bulabugin ni Jerry Yap

JSY: The authentic Mr. Bulabugin until his death

GOOD evening, Everyone. My name is Diane, and I’m the daughter of Jerry Yap. I …

Bulabugin ni Jerry Yap

Thank you JSY for being big time suki of Gardenera

ni Almar Danguilan KUNG isa-isahin ang mga kabutihan na naibahagi ni Boss Jerry sa akin …

AKSYON AGAD ni Almar Danguilan

Alyansa palakasin para sa Pag-asa Island/WPS — Eleazar

AKSYON AGADni Almar Danguilan MATAPOS magtanim ng bandera ng bansa sa Pag-asa Island sa kalagitnaan …

Leave a Reply