Monday , February 26 2024
Sunshine Guimar, Andrew E, AJ Raval

Andrew E may sariling formula, ‘di sumabay sa uso

HARD TALK!
ni Pilar Mateo

SA zoom media conference para sa bago niyang pelikula na magsisimulang matunghayan sa Vivamax sa Oktubre 8, 2021, ibinahagi ng rapper-comedian-composer-singer-actor na si Andrew E. na two and a half years ago eh, nagkasakit siya kaya bumagsak ang kanyang kalusugan na nakita sa kanyang pangangatawan.

Hindi naman naging dahilan ‘yun para matigil siya sa patuloy na paggawa ng pelikula sa itinuring na niyang tahanan sa mahabang panahon, sa Viva ni Boss Vic del Rosario.

Kaya ang tanong ko sa kanya ay kung paano siyang sumasabay sa mga pagbabago na may kinalaman sa kanyang sining, mapa-akting o sa pagra-rap.

Iba ang estilo ng Batang Donggalo.

“Thirty five years ago, hindi ako sumabay sa kung ano ‘yung mayroon halimbawa ang henerasyon na ito. Ang kailangan, may mag-lead o magsimula. Set trends. Sa comedy man or sa rap, ganoon. This is an ungrateful industry.”

Kaya, hindi na nakapagtataka kung bakit hanggang ngayon, may kinatutuwaan pa rin ang mga manonood, ang mahilig sa rap at sa klase ng pagpapatawa na inihahahain si AE.

Kaya ang tanong ko rin sa kanya ay kung paano nila, ng kanyang leading ladies na sina AJ Raval at Sunshine Guimary ipo-promote ang  Shoot, Shoot (‘Di Ko Siya Titigilan)  na idinirehe ni Al Tantay sa mga bibili ng tiket para mapanood.

“Wala kaming sasabihing mapupulot na moral values sa aming pelikula o mga lesson na mapupulot sila. Basta pure entertainment. Katatawanan. From start to finish. Na may istoryang siguradong marami ang makare-relate, kasi nangyayari naman sa totoong buhay. Pero ginawa in such a way na katutuwaan ng manonood.”

Dekada na nang isulat ni AE ang lyrics ng kantang Shoot, Shoot. May gumamit nito sa TikTok na nag-viral. Nag-trending. At napansin ito ni Boss Vic.

“Kaya noong sinabi sa akin ni Boss Vic na gagawin niyang pelikula with me in it, hindi na ako nagdalawang-isip. Tungkol sa LDR (long distance relationship) siya. And ‘am happy na naging komportable kami sa isa’t isa ng mga ibinigay na leading ladies sa akin ni Boss Vic.”

Pwedeng sabihing may ibang klase ng pormula na si AE pagdating sa klase ng pagpapatawa niya. At ang mga nagampanan niya noon sa Viva na mga proyekto ay pawang tumabo sa takilya.

Kaya nga sa trailer pa lang ng Shoot, Shoot mahigit 8.5 M views na ang hindi na maka-get over sa linya nila na nagbabanggit sa itlog at pechay sa matutunghayan sa pelikula na tatawa ka na nang tatawa sa kung paano nila ito itinawid.

About Pilar Mateo

Check Also

Zara Lopez Reece Sapphire

Zara Lopez focus sa pagiging ina kina Reece at Sapphire,  tuloy pa rin as vlogger/influencer

ALAM MO NA!ni Nonie Nicasio MARAMI ang nagulat nang naghiwalay nang landas sina Zara Lopez …

Caleb Santos Jose Mari Chan Hazel Faith

Caleb Santos excited makasama si Jose Mari Chan

MATABILni John Fontanilla EXCITED ang singer, actor na si Caleb Santos na makasama sa konsiyerto ang mahusay …

Nadine Lustre

Nadine patok ang pa-two piece habang nakahiga sa kama

MATABILni John Fontanilla TRENDING sa social media ang larawang ipinost ni Nadine Lustre sa kanyang Instagram account. Isang black …

Lolit Solis Kathniel

Lolit pinayuhan KathNiel fans mag-move on kasabay ng kanilang mga idolo

MA at PAni Rommel Placente AWARE si Lolit Solis na hanggang ngayon ay hindi pa nakaka-move on …

Janice de Belen Snooky Serna Sharon Cuneta Gabby Concepcion

Janice kay Gabby—Wala akong galit, we’re friends; Sharon nag-sorry

MA at PAni Rommel Placente SA guesting ni Janice de Bellen sa YouTube channel ni Snooky Serna ay binalikan …

Leave a Reply

Your email address will not be published. Required fields are marked *