Thursday , October 28 2021
Mark Herras

Mark dinagsa ng indecent proposal dahil sa P30K

MA at PA
ni Rommel Placente

BINASAG ni Mark Herras sa pamamagitan ng kanyang vlog ang  katahimikan tungkol sa ibinisto ng dati niyang manager na si Lolit Solis, na wala na siyang pera, kaya nanghiram siya ng P30k para pambili ng gatas ng anak.

Guest ni Mark sa kanyang vlog ang kaibigang si Eric Fructuoso. Naglaro sila ng ”Sagot o Lagot,” na mamimili sila kung sasagutin ang bawat tanong o iinom ng suka kung ayaw sagutin.

Dito na nga sinagot ni Mark nang pabitin ang isyu na wala na siyang pera.

Isa sa ibinatong tanong ni Eric kay Mark: ”Magkano ang pera mo na nasa banko mo?”

Natawa si Mark sa tanong ni Eric at akmang iinom ng suka para umiwas sa tanong.

Pero sinagot na rin ito ni Mark: Sabi niya, ”Mga P30K siguro. Inom na lang ako para walang issue.”

Aniya pa, private ang impormasyon na i-reveal ang laman ng kanyang banko.

Pero dagdag ng aktor, ”Ako siyempre, this is a private thing. Pero ako, ‘yung anak ko, alam ko may pera sa banko.”

Hindi na nagdetalye pa si Mark at uminon ng suka. Pero base sa sagot niya parang sinasabi niya na may sariling pera sa banko ang anak kaya imposibleng mangutang siya ng P30k kay Manay Lolit, ‘di ba?

Sundot na tanong ni Eric, kung nakatanggap ba si Mark ng indecent proposal after ng P30k issue sa kanya? Sagot ni Mark, ”Hindi naman to the point na indecent, ah, medyo disente pa naman. Pero I think it’s going there.  Before, may nag-i-invite for a date nga lang, eh, pero LGBT [member]. So, mga ganoon.

“Tapos siyempre, noong nangyari ‘yung recent issue, andaming nag-DM [direct message] sa akin na mga LGBT, ‘Hi, Mark. Hi, I can help.’”

“I’m not judging them, pero basically, maganda naman ‘yung thought.

“I think medyo in-assume ko lang na papunta roon (sa indecent proposal).

“Pero, so far, wala pa naman akong natanggap na rekta, na talagang, ‘Mark, bigyan kitang pera…’ yun. Wala, wala pa naman.”

Pero totoo ang iniisip ni Mark na papunta sa indecent proposal ang mga bading na nag-aalok sa kanya ng tulong. Siyempre iisipin ng mga ito na wala ngang pera ang aktor kaya papatol, ‘di ba?

Pero sa tingin ko, malabong mangyari ‘yun. Wala pa kasi kaming naririnig na may pinatulang bading si Mark unlike ‘yung iba. hahaha!

About Rommel Placente

Check Also

Blind Item, Gay Lovers, matinee idol, male star

Baguhang aktor boy toy ni Matinee Idol

ANG lakas ng tsismis na ang isa raw baguhang male star, na talaga namang pogi at sexy …

Aiko Melendez

Aiko ba-boo na sa Prima-Donnas 2

I-FLEXni Jun Nardo UM-EXIT na si Aiko Melendez sa lock in taping ng Kapuso searies na Prima Donnas 2. Walang …

Mel Sarmiento, Kris Aquino, Herbert Bautista

Bistek happy kay Kris

I-FLEXni Jun Nardo SIMPLENG, ”I’m happy for her!” ang tweet ni senatoriable Herbert Bautista at post sa …

Niana Guerrero, DJ Loonyo

DJ Loonyo wish maka-collab si Niana Guerrero

MA at PAni Rommel Placente SA guesting ni DJ Loonyo kamakailan sa show namin sa FYE Channel sa Kumu …

Sylvia Sanchez, Arjo Atayde, Art Atayde

Sylvia ‘di sang-ayon sa pagpasok ni Arjo sa politika — Pero anak ko ‘yan susuportahan ko

MA at PAni Rommel Placente AMINADO si Sylvia Sanchez na noong una ay hindi siya sang-ayon …

Leave a Reply