Thursday , May 26 2022
road accident

Anak ng alkalde ng Lucban patay, kasama kritikal (Elf truck, 2 motorsiklo nagbanggaan )

HINDI nakalilgtasang 17-anyos anak ng alkalde ng Lucban, sa lalawigan ng Quezon, habang nasa kritikal na kondisyon ang kanyang kasama, nang makabanggaan ng minamanehong motorsiklo ang isang delivery truck nitong Lunes ng gabi, 13 Setyembre, sa nabanggit na bayan.

Kinilala ang namatay na si Guitahm Oli Salvacion Dator, 17 anyos, anak ni Lucban Mayor Celso Olivier Dator.

Patuloy na nakikipaglaban para sa kanyang buhay ang kasama ni Dator na si Sydney Mykel Saliendra, 20 anyos, government employee.

Sa ulat ng pulisya, sakay ng kani-kaniyang motorsiklo ang mga biktima at binabagtas ang kalsada sa sentro ng bayan dakong 9:50 pm noong Linggo, nang banggain sila ng isang Elf truck na minamaneho ng isang Brian Abana, 32 anyos, residente sa bayan ng Candelaria, sa naturang lalawigan.

Base sa kuha ng CCTV, nasa gitna ng intersection ng Rizal at Racelis avenues ang dalawa at papatawid nang biglang banggain ng rumaragasang truck.

Sa tindi ng pinsala sa ulo at katawan, agad dinala ang dalawa sa MMG Hospital Lucban ngunit binawian ng buhay ang batang Dator habang nilalapatan ng lunas sa loob ng tatlong oras.

Samantala, nananatiling nasa kritikal na kondisyon at walang malay si Saliendra dahil sa malalang pinsala sa ulo.

Dinakip ng mga nagrespondeng pulis si Abana, kasalukuyang nakapiit sa PNP custodial facility habang inihahanda ang kasong kriminal na isasampa laban sa kanya.

About hataw tabloid

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …

Leave a Reply