Saturday , December 4 2021
Ping Lacson, Tito Sotto
Ping Lacson, Tito Sotto

Lacson-Sotto sa 2022 virtual na inilunsad

SA PAMAMAGITAN ng makabagong teknolohiya sa komunikasyon, ‘virtual’ na inilunsad ng tambalang Senador Panfilo “Ping” Lacson at Senate President Vicente “Tito” Sotto III ang kanilang kandidatura para sa 2022 national elections, may temang “Ito ang Simula.”

Tatakbong presidente si Lacson, at bise-presidente si Sotto para umano sa pagbabago, hindi lamang sa sistema ng pamahalaan kundi sa kabuhayan ng bawat mamamayang Filipino.

Kasama nina Lacson at Sotto sa paglulunsad ng kanilang kandidatura ang ilang tagasuporta at kani-kanilang pamilya sa pamamagitan ng isang multi-media production gaya sa isang programa sa telebisyon.

Hindi gaya sa mga nakaraang eleksiyon at paglulunsad ng kandidatura, walang grandiosong mobilisasyon ang tandem na Lacson at Sotto.

Tinatawag ng dalawa ang isa-isa bilang ‘partner’ dahil sila umano ay magtutulungan at magkakaisa para sa mamamayang Filipino.

Hindi malinaw kung sino-sino ang pinal na  magiging senatorial slate ng dalawa at kung ano-anong partido ang sumusuporta sa kanila.

Si Sotto ay bahagi ng National People’s Coalition samantala si Lacson ay mula sa Aksyon Demokratiko.

Ilang netizens ang nagpahayag ng suporta sa dalawang senador pero may nagpahayag na mas bagay tawaging LAC-TO ang kanilang tadem, dahil sa pagkakaugnay sa Kuratong Baleleng ni Lacson, at kay Alfredo Tiongco ni Sotto.  (NIÑO ACLAN)

About Niño Aclan

Check Also

Quezon Province

2021 annual budget ng probinsiya
9 BOKAL NG QUEZON MAY AMBANG PLUNDER VS GOV. SUAREZ, et al

MAGHAHARAP ng kasong plunder o pandarambong ang siyam na miyembro ng Sangguniang Panlalawigan ng Quezon …

120321 Hataw Frontpage

Tuluyang pagbagsak inaasahan
2 ARAW WALANG BAGONG COVID-19 PATIENT SA PGH

MAY banta man ng bagong variant na Omicron, iniulat ngayong Biyernes ng Philippine General Hospital …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

3 rapists, 18 pasaway nasakote sa Bulacan

NASUKOL ang kabuuang 21 katao kabilang ang tatlong hinihinalang rapist sa iba’t ibang operasyong ikinasa …

Huli sa aktong nagka-Cuajo
4 SUGAROL TIMBOG SA TARLAC

ARESTADO ang apat katao nang mahuli sa akto ng mga awtoridad habang nasa kainitan ng …

Leave a Reply