Thursday , July 18 2024

P1.38-M ‘damo’ nasamsam 3 tulak arestado sa Bulacan

TINATAYANG higit sa P1.38-milyong halaga ng hinihinalang marijuana ang nakompiska sa tatlong pinaniniwalaang tulak na nadakip sa ikinasang anti-illegal drugs operation ng mga awtoridad sa bayan ng Bocaue, lalawigan ng Bulacan, nitong Huwebes ng madaling araw, 2 Setyembre.

Ayon kay P/Col. Lawrence Cajipe, provincial director ng Bulacan police, nagkasa ng buy bust operation ang mga operatiba ng Bocaue Municipal Police Station (MPS) Drug Enforcement Unit (DEU) bilang lead unit, kasama ang Guiguinto Municipal Police Station (MPS), Special Concerned Unit (SCU) sa ilalim ng Regional Intelligence Division (RID3), Bulacan 1st Provincial Mobile Force Company, at Bulacan Provincial Intelligence Branch (PIB) na nagresulta sa pagkaaresto ng tatlong suspek.

Kinilala ang mga arestadong suspek na sina Robert Anthony Valeriano ng Brgy. Bagumbayan, Bocaue; at John David Valbuena alyas JD, ng Brgy. Dakila, Malolos, kapwa kabilang sa PNP-PDEA Unified Drug Watchlist; at Ardie Manalaysay ng parehong barangay.

Nasamsam mula sa mga suspek ang may kabuuang 46 kilo ng tuyong dahon ng hinihinalang marijuana na tinatayang may street value na P1,380,000.

Kinabibilangan ito ng 46 pirasong tangkay (stalk) ng tuyong dahon ng marijuana, isang puting JRS Express plastic bag na naglalaman ng hinihinalang tuyong dahon ng marijuana na may fruiting tops, isang timbangan, at sari-saring drug paraphernalia.

Dinala ang mga nakompiskang ebidensiya sa Bulacan Crime Laboratory para sa pagsusuri samantala inihahanda ang kasong kriminal na paglabag sa Section 5, 11, at 26 ng Article II ng RA 9165 o Comprehensive Dangerous Drugs Act of 2002 laban sa mga suspek na isasampa sa City Prosecutors Office, sa lungsod ng Malolos. (MICKA BAUTISTA)

About Micka Bautista

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Leave a Reply

Your email address will not be published. Required fields are marked *