Wednesday , July 24 2024

Vlogger/s na mahilig ‘magmura’ dapat i-ban sa social media

BULABUGIN
ni Jerry Yap

KAPAG nakapanonood ang inyong lingkod ng mga vloggers sa YouTube o sa ibang porma ng social media, naaaliw tayo sa kanila, lalo na ‘yung magaling magpatawa — malinis na pagpapatawa.

        Mayroong mga vlogger, na parang segment na sa telebisyon dahil nag-i-interview sila ng mga interesanteng tao, nakapagbabahagi sila ng kanilang mga karanasan na kapupulutan ng mga aral.

        Ilang vlogger naman ang nagtatampok o nagbabahagi ng kanilang kaalaman kung paano nila napaunlad ang kanilang mga farm o ang kanilang garden, at iba’t ibang paksa na nakapagtuturo, nakaaaliw, o napupulutan ng maraming ideya sa iba’t ibang bagay.   

         Pero, hindi lahat ng vloggers ay nakatutuwa. Kasi mayroon din namang ilan na nakatsamba lang ng maraming likes dahil pumatok sa ‘pagmumura’ pero ang askad talagang pakinggan at panoorin sa social media.

        Kaya nagtataka tayo kung paanong nakahakot ng maraming likes o subscribers.

        Ang mungkahi nga natin sa ganyang mga klaseng vloggers, dapat ay i-ban sa mga social media sites.

         Gaya nga nitong isang na-curious ang inyong lingkod, kasi pinag-uusapan, kaya pinanood natin.

        Nagulat tayo, kasi, bukod sa parang nabibiyak na lata ang boses, mula simula hanggang matapos yata ang kanyang vlog ‘e wala tayong narinig kundi pagmumura.

        Mura nang mura, nililibak, at tinatawag na inutil ang kanyang viewers. Tapos magtataka kung bakit walang nagma-mine sa produkto niya.

        Nakatsamba ngang matipohan ng isang talent manager itong palamurang vlogger, pero ganoon pa rin ang estilo sa vlogging, mura nang mura pa rin.

        Dapat naman ay unti-unting baguhin nitong palamurang vlogger ang kanyang estilo. Bawas-bawasan ang pagmumura, at ayusin ang pagsasalita. Dapat na rin sigurong matutong mag-modulate ng boses kasi ang sakit talaga sa tainga ng boses — parang binibiyak na lata.

        Dapat din sigurong pag-aralan ‘yan ng sikat na talent manager na nakapulot sa ‘inutil’ na vlogger dahil kung hindi masisira ang reputasyon niya sa industriya.

        Humingi kayo ng payo, kay #WilbertTolentino, para naman matuto kayong mag-vlog.

        Anong say mo, Mareng #WilbertTolentino?!     

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

P10-M makinaryang pambukid ipinagkaloob ng PAGCOR sa Bulacan

P10-M makinaryang pambukid ipinagkaloob ng PAGCOR sa Bulacan

PORMAL nang ipinagkaloob ng Philippine Amusement and Gaming Corporation (PAGCOR) ang P10-milyong halaga ng mechanized …

Krystall Herbal, Rider

Krystall Herbal Oil proteksiyon ng rider laban sa pawis habang umuulan

Back to BasicNATURE’S HEALINGni Fely Guy Ong Dear Sis Fely Guy Ong, Ako po si …

Leave a Reply

Your email address will not be published. Required fields are marked *