Wednesday , October 20 2021

Sa gitna ng pandemya
PAMOMOLITIKA NG PAMILYA DUTERTE BINATIKOS

HATAW News Team

UMABOT na sa halos 22,000 kada araw ang CoVid-19 cases sa Filipinas pero ang administrasyong Duterte ay pamomolitika at pagbatikos lang ang kayang gawin.

Ipinahayag ito ni Alliance of Concerned Teachers (ACT) Partylist Rep. France Castro kasabay ng hamon kay Pangulong Rodrigo Duterte, imbes ang kanyang vice presidential bid at ang pag-uudyok sa anak na si Davao City Mayor Sara Duterte na tumakbo sa pagka-pangulo ang unahin ay dapat tutukan ng pamahalaan kung paano pababain at matutulungan ang mga tinamaan ng CoVid 19.

“Hindi na magkandatuto ngayon ang administrasyong Duterte dahil sa pamomolitika at pagbatikos sa mga kalaban sa politika. Hindi na nila kayang itago ang inefficiency, dapat harapin ni Pangulong Duterte ang pressing problems ngayon halos 20,000 na kada araw ang naitatalang CoVid-19 cases,” pahayag ni Castro.

Mula nang pumutok ang pandemya noong nakaraang taon ay nagkaroon na ng tatlong  surges ang Filipinas, una noong Hulyo 2020, Abril 2021 at ngayong Delta variant surge, nasa milyong Pinoy na ang tinamaan ng sakit habang 33,000 ang nasawi.

Inamin ni Castro, habang patuloy ang pagsasabi ni Pangulong Duterte sa hangaring makapanatili sa puwesto matapos ang kanyang termino, nag-iisip naman ang publiko lalo’t nadala na sa estilong Duterte.

“Sa nangyayari ngayon sa pamumuno ni Pangulong Duterte ay nag-iisip na rin ang tao kung sino ang sinsero sa sinasabi at pangako. Sa ngayon ay nadala na ang tao sa style-Duterte at ng mga kakampi niya,” dagdag ni Castro.

Para kay Castro, marami pang puwedeng abangan sa mga prospective candidates at hindi lang ang Duterte.

“Mas tinitininngnan ng tao ngayon ay ‘yung kabaliktaran ni Pangulong Duterte,” diin ni Castro.

Batikos ng mga kritiko ng administrasyon, habang may konkretong balak sa kanyang political career si Pangulong Duterte ay wala naman siyang konkretong hakbang para tugunan ang mahinang pandemic response at  problema sa mabagal na vaccination drive.

Samantala, itinuring din ng lady solon na pang-showbiz ang patuloy na pagdi-dilly-dally ni Mayor Sara sa kanyang sa 2022 elections.

Aniya, political gimmick lamang ang kunwaring ‘di pagtakbo pero plano naman talagang tumakbo.

Naging sentro ng pagbatikos ang alkalde kamakailan at kinuwestiyon ang kanyang leadership matapos ang pag-iikot sa Cebu at Zamboaga City kasabay ng pakikipag-usap sa political leaders habang ang Davao City ay nasa high risk area ng CoVid-19 at nagtatala ng pinakamataas na daily cases sa buong bansa.

Unang umalma si Manila Mayor Francisco “Isko Moreno” Domagoso nang magpasaring kay Mayor Sara na hindi pa panahon ng eleksiyon kaya ang mga mayor ay dapat nasa kanilang lugar at hindi pa nangangampanya.

About hataw tabloid

Check Also

2022 Elections, Senate

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

TCI, Dito, Globe, Smart

SUBSCRIBERS LUMIPAT SA DITO NAPAKATITING

TALIWAS sa inaasahan ay napakaliit na bilang lamang ng mga subscriber ang nagpalit ng network …

PLUNDER, GRAFT CASE VS BELMONTE, BLACK PROGANDA — ATTY. CASIMIRO

BALEWALA ay Quezon City Mayor Joy Belmonte ang akusasyong ‘plunder’ at ‘graft’ na inihain laban …

Quezon City QC Joy Belmonte

Pagtaas ng amilyar pinabulaanan
RPT SA KYUSI MANANATILI

PINABULAANAN ng pamahalaang lokal ng Quezon City nitong Lunes ang mga pahayag ni Anakalusugan Partylist …

Janine Gutierrez

Janine Gutierrez itinanggi basang kili-kili tweet; BBM supporters kuyog

FACT SHEETni Reggee Bonoan MARIING itinanggi ni Janine Gutierrez ang umano’y viral tweet niya na pinansin …

One comment

  1. Hey there! This is kind of off topic but I need some advice from an established blog. Is it very difficult to set up your own blog? I’m not very techincal but I can figure things out pretty quick. I’m thinking about setting up my own but I’m not sure where to begin. Do you have any tips or suggestions? With thanks

Leave a Reply