Tuesday , July 23 2024

Mga pasaway sa Bulacan nasukol
Rapist, 13 sugarol, 1 pa timbog

SUNOD-SUNOD na pinagdadampot ng mga awtoridad ang isang rape suspect, 13 sugarol, at isang sangkot sa insidente ng pananaksak sa magkakahiwalay na operasyong isinagawa ng pulisya sa lalawigan ng Bulacan hanggang Lunes ng umaga, 30 Agosto.

Batay sa ulat, nadakip ang 13 suspek kabilang ang isang CICL (child in conflict with the law) sa iba’t ibang operasyon laban sa ilegal na sugal na inilatag ng mga operatiba ng Meycauayan City Police Station at San Jose Del Monte City Police Station.

Nabatid na pito sa kanila ay nahuli sa aktong nagsusgal ng cara y cruz samantalaang anim ay arestado sa sugal na tong-its.

Nakompiska mula sa mga suspek ang tatlong pirasong one-peso coin na ginagamit sa cara y cruz, isang set ng baraha, at bet money.

Samantala, nasakote ng mga awtoridad ang dalawang suspek nang magresponde sa magkahiwalay na insidente ng krimen sa mga bayan ng Marilao at Plaridel.

Kinilala ang mga suspek na sina Joel Tumlod, residente ng Brgy. Lambakin, Marilao, na inaresto sa paglabag sa RA 8353 (Statutory Rape), at Albert Loquisen ng lungsod ng Caloocan, arestado sa pagtulong sa isang suspek na saksakin hanggang mamatay ang isang biktima.

Nakapiit ang mga arestadong suspek habang inihahanda ang mga kasong isasampa laban sa kanila sa hukuman.

Ayon kay P/Col. Lawrence Cajipe, Bulacan police director, ang Bulacan police, kahit nasa ilalim ng MECQ ay hindi magpapabaya sa kanilang kampanya laban sa lahat ng uri ng krimen sa lalawigan. (MICKA BAUTISTA)

About Micka Bautista

Check Also

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

SJDM Bulacan

Pabrika sa Bulacan bistado, mga trabahador undocumented at tourist visa lang ang hawak

BISTADO ang isang pabrika sa Bulacan na may mga nagtatrabahong Chinese nationals kahit undocumented at …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

Leave a Reply

Your email address will not be published. Required fields are marked *