HATAW! D'yaryo ng Bayan hatawtabloid.com
BULABUGIN
ni Jerry Yap
KAPAKI-PAKINABANG ang naging programa ng Malabon local government sa mga tricycle at padyak drivers nitong natapos na ECQ.
Kung ganito ang magiging programa ng lahat ng local government units (LGUs), aba, kapaki-pakinabang ito sa ating mga kababayang umaasa sa arawang kita.
Sa kabila ng dalawang linggong enhanced community quarantine (ECQ), sinigurado ng pamahalaang lungsod na may pantawid pa rin ang mga tricycle at padyak drivers sa kanilang pang-araw-araw na gastusin sa pamamagitan ng “Pantawid Pasada Program” na pinangunahan ni butihing Malabon Councilor Jose Lorenzo “Enzo” Oreta.
Mahigit 1,000 tricycle drivers ang nakinabang sa nasabing programa, sa pamamagitan ng pag-arkila ng pamahalaang lungsod sa mga driver sa iba’t ibang gawain nitong nagdaang ECQ, katulad ng paghahatid ng relief goods, suporta sa ayuda, at naging service din sa mga bakunahan o ‘yung tinaguriang “Biyaheng Bakuna.”
Bilang tugon sa pandemya, tulong pinansiyal na halagang P2,500 ang kapalit ng pagbibigay ng siguradong hanapbuhay sa pamamaraang pagtulong sa mga gawain ng pamahalaang lungsod ang ginawang programa ng konsehal para sa kanyang mga kababayan.
Ayon kay Konsehal Enzo, buhay na buhay ang Bayanihang Malabonian sa gitna ng pandemya dahil sa mga ganitong klaseng programa. Bkod sa pag-iwas na magkahawaan sa virus, binibigyang pagkakataon din ang tricycle at padyak drivers na ipagpatuloy ang kanilang pag-asenso dahil suportado ang kanilang kabuhayan.
Higit pa sa regular na ayuda, anngn may ayudang trabaho. Mas maigi ito kaysa “dole-out” lang, ‘ika nga.
Labis-labis ang pasasalamat ni Bong Pranada, isa sa mga nakinabang sa nasabing programa.
Aniya, napakalaking tulong ng programa sa kanilang kabuhayan lalo na’t bawas talaga ang mga lumalabas ng kanilang mga kabahayan sa panahon ngayon. Mainam rin daw sa pakiramdam na nakatulong sila sa mga kababayan para hindi sila gaanong ma-expose sa virus.
‘Ika nga ay panalo ang lahat sa ganitong mga programa.
LTFRB binalaan ng COA
P5.5-B PONDO PARA SA PUV
DRIVERS & OPERATORS
PINATULOG NI DELGRA
MANTAKIN ninyo mayroon palang inilaan ang pamahalaan sa pamamagitan ng Department of Budget and Management (DBM) na P5.5 bilyong pondo bilang tulong sa mga public utility vehicles (PUV) drivers and operators sa panahon ng pandemya pero pinatulog lang nitong si Land Transportation Franchising and Regulatory Board (LTFRB) chair Martin Delgra III?!
At kung hindi pa sila nabalaan ng Commission on Audit (COA) ay hindi magdedeklara sa publiko na ibabalik ang pondo na ayon sa COA ay 1% lang ng P5.5 bilyon ang nagamit.
“Delays in the implementation of the Service Contracting Program ranging from 2 to 10 weeks as at December 31, 2020 resulted in the minimal fund utilization of only P59,720,089.25 or 1.07% of the total project fund of P5,580,000,000, thereby delaying the intended benefits to the PUV drivers and operators,” pahayag ng COA sa kanilang 2020 Annual Audit Report.
“Furthermore, only a total of 29,871 drivers or 49.79% of the 60,000 targeted driver-participants were registered in the Program as at year-end,” dagdag ng state auditor.
E ano palang ginawa nitong si Delgra? Nagpalaki lang ng bayag sa opisina niya o sa bahay, sa panahon na maraming PUV drivers and operators ang nagugutom?!
Ikanatuwiran o sinisi pa ang proseso ng koleksiyon ng data at preparasyon ng payroll kaya raw hindi sila nakaabot sa deadline na June 30.
Ang pandemya ay nagsimula noong Marso 2020 pa, ibig sabihin, hindi man lang nagsikap si Delgra na makipagtalastasan sa mga operators o sa mga organisasyon ng mga PUV para gunawa ng database?!
Mukhang ang pinag-isipan ni Delgra ay kung paano tatsaniin ang pondong P5.5 bilyon hindi ang makatulong sa PUV drivers & operators na matagal na nilang pinahihirapan.
Pinagkatipid-tipid o talagang hindi pinagsikapan na ipatupad ang programa para sa PUV drivers & operators na apektado ng pandemya para matsani ang P5.5 bilyones?!
Hindi ba’t ang dami pang nagreklamong operator ng EDSA bus carousel na hindi sila binabayaran gayong mayroon palang malaking pondo?!
Akala siguro nitong si dating butiking mulagat na ngayon ay para nang si Lolong, e hindi sila madadale ng COA.
Ngayon ay bigla pang nagdeklara na 26.55 percent daw ng total budget ng Service Contracting Program ang nai-release nila?
Mula sa 1.07% ay biglang naging 26.55 percent?!
Paging lang po COA!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
