Wednesday , July 24 2024
knife saksak

Kelot kritikal sa palo sa ulo at saksak ng 2 menor de edad

KRITIKAL ang kalagayan sa pagamutan ang isang 19-anyos lalaki nang patraidor na pinalo ng matigas na bagay sa ulo at saksakin sa likurang bahagi ng katawan ng dalawang menor de edad sa Malabon City kamakalawa ng gabi.

Patuloy na inoobserbahan sa Caloocan City Medical Center (CCMC) ang  biktimang kinilalang si Ericson Atamosa, residente sa Tahong Alley, Brgy. 20, Caloocan City, matapos isailalim sa mga pagsusuri sanhi ng mga mga sugat sa likod, ulo, at balikat.

Nagsasagawa ng manhunt operation ang mga tauhan ni Malabon City chief of police Col. Albert Barot laban sa dalawang menor de edad na suspek, ang isa ay kinilala sa alyas Adeng, 16 anyos at residente sa Brgy. Longos, Malabon City.

Batay sa imbestigasyon ni P/SSgt. Jose Romeo Germinal II, dakong 11:00 pm, naglalakad pauwi ang biktima, kasabay ng dalawa pang kaibigan, nang biglang sumulpot sa kanyang likuran ang dalawang kabataang suspek pagsapit sa tapat ng Longos Public Market.

Biglang hinataw sa ulo at balikat ng isa sa suspek si Atamosa, habang bumunot ng patalim ang isa pa at inundayan ng saksak sa likod bago mabilis na tumakas nang duguang humandusay ang biktima.

Inaalam ng pulisya kung ano ang motibo ng patraidor na pagsalakay ng dalawang menor de edad na suspek sa biktima.

(ROMMEL SALES)

About Rommel Sales

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Leave a Reply

Your email address will not be published. Required fields are marked *