Friday , March 29 2024
Gigi de Lana
Gigi de Lana

Gigi tatayaan ng ABS-CBN Music at ABS-CBN events

SHOWBIZ KONEK
ni Maricris Valdez Nicasio

PANGARAP pala ni Gigi de Lana na makapag-prodyus ng kanyang debut album at magkaroon ng sariling digital concert at ito ay matutupad sa pamamagitan at tulong ng ABS-CBN Events.

Pagkatapos mag-viral kamakailan dahil sa cover niyang Bakit Nga Ba Mahal Kita, mas maipa­ma­malas pa ngayon ng RISE Artists Studio talent ang galing niya sa pagkanta sa pamamagitan ng kanyang nalalapit na full-length album.

“Nagpursige kami ng The Gigi Vibes band na gumawa ng sariling songs. Doon kami nag-grow at doon kami nag-start, so mayroon po kaming ilalabas na album,” aniya, na sinabi ring ilalabas na ang una niyang single sa Setyembre 24.

Isang pasabog na YouTube Music Night concert din ang paghahandaan ni Gigi na magaganap sa Disyembre.

“We are preparing for something big and ito inaareglo na ng banda kung ano ba ‘yung gagawin sa mga kanta, gagawa kami ng medley, maraming pakulo. May guests din pero secret pa,” ani Gigi.

Makakasama rin siya sa Filipino music festival na 1MX Dubai na gaganapin ng live sa Disyembre 3.

Unang nakilala ang ‘Rising Viral Star’ nang sumali siya sa unang season ng Tawag ng Tanghalan sa It’s Showtime na isa siya sa mga naging grand finalist.

Nitong nagkaroon ng pandemya, sinimulan ni Gigi ang online live gig na GG Vibes, na nagpe-perform siya ng mga cover kasama ang The Gigi Vibes band at tumatanggap din ng song requests mula sa mga manonood. Tuloy-tuloy ang pag-ani niya ng papuri habang umaabot sa libo-libo ang live viewers ng GG Vibes sa Facebook at YouTube.

Bukod sa pagkanta, sumabak na rin si Gigi sa pag-arte at napanood noong 2020 sa Star Cinema movie na Four Sisters Before the Wedding. Ngayong taon, opisyal na rin siyang naging Star Magic artist nang pumirma ng kontrata sa premier talent management arm ng ABS-CBN noong Black Pen Day.

Bago si Gigi, nauna nang nagtanghal sa YouTube Music Night noong Pebrero sina JonaJuris, at Jed Madela.

Abangan ang mas pagkinang pa ni Gigi sa kanyang debut album at  YouTube Music Night concert!

About Maricris Valdez Nicasio

Check Also

Audrey Avila

Audrey Avila, maraming pasabog ng eksena sa pelikulang Dayo

ALAM MO NA!ni Nonie Nicasio ANG pelikulang Dayo ang susunod na aabangan sa sexy actress …

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Leave a Reply

Your email address will not be published. Required fields are marked *