Sunday , May 22 2022
Makisig Morales, Nicole Joson, Australia
Makisig Morales, Nicole Joson, Australia

Makisig sa paninirahan sa Australia — mahirap na masarap

FACT SHEET
ni Reggee Bonoan

MAY bagong segment sina Ogie Diaz at Mama Loi plus Tita Jegs sa YouTube channel nitong Ogie Diaz Showbiz Update, ang Kumustahan na mapapanood sa bandang huli ng video.

Si Makisig Morales ang unang kinumusta ni Ogie na kasalukuyang nasa Sydney, Australia ngayon kasama ang kabiyak na si Nicole Joson at buong pamilya nito pero nakahiwalay naman sila ng tirahan sa mag-asawa.

Ikinuwento ni Makisig na nagtatrabaho siya sa isang malaking wholesale store roon at the same time ay may food business silang mag-asawa.

Kasalukuyang naka-lockdown ang lugar nila at sobrang higpit dahil kailangan hanggang 5 meters kalang puwedeng lumayo mula sa bahay nila.

Sabi nga niya na ang magagawa lang sa limang metro ay para pumunta sa grocery at drug store.

Sabi ni Makisig, “Mahirap po ang lockdown dito sa Australia. ’Yong restriction po rito sa amin bawal kang lumabas within five kilometers of your local government area.

“Puwede ka lang lumabas kung bibili ka ng groceries o mayroon kang kailangan sa bahay. Pero other than that hindi ka talaga pwede lumabas.”

Kaya ang mga ibinebenta nilang pagkain ay hirap siyang ideliver ang mga ito.

 
“Mahirap ngayon para sa business dahil ako ’yong nagde-deliver and mahirap lumabas kapag lalagpas ka na ng five kilometers dahil masyado pong maliit ’yong five kilometers sa local government area.

“’Yong works din po ngayon nagbabawas ng oras para sa mga tao dahil nga lockdown. Lalo na ’yong mga hindi essential workers, kina-cut down nila ’yung oras,” sabi pa.

Laging nasa bahay lang ang mag-asawa na mas gusto niya dahil mas safe sila.

Hindi naging madali ang buhay ng pamilya Morales sa Australia pero naniniwala ang tatay nila na mas magkakaroon sila ng magandang buhay doon kaya nagdesisyon na rin si Makisig na roon na tumira at iniwan ang showbiz career sa Pilipinas.

Aniya, “Firstly, maganda for me dahil nandito ang family ko pati family ng asawa ko. Pero mahirap din sa totoo lang dahil kailangan mong pagtrabahuhan talaga lahat para maka-survive ka, para makakain ka, para makapagbayad ka ng bills and everything. 

“Normal, kahit sa Philippines ganoon pa rin naman pero ang patakaran ng payments every week. Kailangan every week magbabayad hindi katulad sa atin diyan sa Philippines na every month ang bayarin. May mga adjustment din pero madali at mahirap.”

Wala pang anak sina Makisig at Nicole kaya nagtutulungan sila sa pagtatrabaho.

“Happy, actually. Sobrang happy dahil hindi ka na mag-isa gumagawa niyong mga bagay na masaya kang gawin. P’wede mo na siyang gawin together with your wife tulad ng pagtatrabaho. Thankful ako kasi si Nicole sobrang masipag. So ayon, nagagawa na namin parehas ’yong gusto naming gawin and masaya kami kasi magkasama kaming dalawa,” kuwento ng dating batang aktor.

At kahit na nasa Australia siya ay gusto pa rin niyang manirahan sa Pilipinas.

“Pero kung ako papipiliin, gusto ko pa rin manirahan sa both, gusto ko pa rin manirahan sa Philippines and gusto ko pa rin manirahan dito,” sambit pa ni Makisig.

Sa kasalukuyan ay bukas ang pinto ni Makisig kung may offer sa kanya sa showbiz dahil mahal niya ang pag-arte.

“Siyempre, kung may opportunity naman na ibigay sa atin sa Philippines, gagawa naman tayo ng project,” pagtatapos nito.

About Reggee Bonoan

Check Also

Binondo Intramuros bridge

Binondo-Intramuros bridge panalo sa ganda

I-FLEXni Jun Nardo WINNER ng bagong Binondo-Intramuros bridge na nagkaroon ng inagurasyon nitong nakaraang araw. …

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

Kris Aquino

Kris sinupalpal mga nagpapakalat na agaw buhay na siya

PABONGGAHANni Glen P. Sibonga NAGPAABOT ng mensahe ng pagmamahal, pagdarasal, at mabilis na paggaling kay Kris …

Ejay Falcon Rhea Tan Beautederm Jana Roxas

Pagkapanalo ni Ejay ikina-proud ni Beautederm CEO Rhea Tan 

PABONGGAHANni Glen P. Sibonga PROUD ate si Beautederm CEO and President Rhea Anicoche Tan sa itinuturing niyang …

Sharon Cuneta Regine Velasquez

Friendship nina Sharon at Regine bumilang na ng maraming taon

MA at PAni Rommel Placente SA isang interview ni Sharon Cuneta, ibinahagi niya kung bakit bumibilang …

Leave a Reply