Thursday , December 9 2021
PDP-LABAN, Rodrigo Duterte, Sara Duterte, Bong Go
PDP-LABAN, Rodrigo Duterte, Sara Duterte, Bong Go

Go-Duterte, PDP-Laban, sinopla ni Sara

NANAWAGAN si Davao City Mayor Sara Duterte sa kanyang amang si Pangulong Rodrigo Duterte at sa ruling party PDP-Laban na huwag siyang gamiting dahilan sa pagpapasya kung itutuloy ang kandidatura sa halalan sa 2022.

Kinompirma ni Sara sa isang kalatas na inamin sa kanya ng Pangulo ang pagtakbo bilang vice president at si Sen. Christopher “Bong” Go ang kanyang running mate.

Dalawang sulat pa aniya ang ibinigay sa kanya ng ama para pagpilian, ang isa ay para iendoso ang Go-Duterte tandem at ang isa pa’y kunin niya bilang running mate si Go.

“I respectfully advise them to stop talking about me and make me the reason for them running or not running,” sabi ni Sara.

“I strongly suggest to the President and Senator Go to own up publicly [to] their decision to run as a tandem. If they can confirm it privately, then I do not see the reason why they cannot be candid about it to the public,” giit niya.

Binigyan diin ng alkalde, hindi siya “last two minutes person” na pahaging sa puwede siyang maging substitute presidential candidate para sa 2022 polls gaya ng ginawa ng kanyang ama noong 2016 elections.

“I think, I organize, and I implement accordingly. In the meantime, I refuse to be a political punching bag for a party in complete disarray,” aniya na tumutukoy sa PDP-Laban na ang isang paksiyon, ang kanyang ama ang presidente, ay nagtutulak sa Go-Duterte tandem.

Hinimok din niya ang isa pang paksiyon ng PDP-Laban na pinamumunuan nina Sen. Aquilino “Koko” Pimentel III at PDP-Laban secretary general Ron Munsayac na tigilan ang paninisi sa kanya sa nakalulungkot na kalagayan ng kanilang partido.

“It is not my fault that no one among you is a leader worthy of the respect of the majority. Do not blame me for the sitcom that your party has been reduced to,” ani Sara patungkol kina Pimentel at Munsayac.

Kinuwestiyon ni Pimentel ang pagsali sa kanya sa pahayag ni Sara dahil ang iringan sa PDP-Laban ay internal dispute.

“I never dragged an outsider into our internal dispute or blamed an outsider for the internal dispute or for causing the internal dispute. Our internal dispute has been caused by someone from the inside,” sabi ni Pimentel.

“That an outsider is being considered as the presidential candidate by an insider is not the fault of the person being mentioned but the fault of the insider who lacks faith, confidence and loyalty to his Party and the talent and skills of the Party members,” dagdag ni Pimentel. (ROSE NOVENARIO)

About Rose Novenario

Check Also

DonBelle Donny Pangilinan Belle Mariano

Donbelle hinuhulaang magiging number 1 loveteam sa 2022

MA at PAni Rommel Placente KASAMA ang comedian-director na si John ‘Sweet’ Lapus sa pelikulang Love Is Color …

120821 Hataw Frontpage

Pari gustong ipalit ni Duterte kay Duque

ni Rose Novenario INALOK ni Pangulong Rodrigo Duterte si Dominican priest at molecular biologist Fr. …

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

Leave a Reply