Wednesday , July 17 2024
Bulabugin ni Jerry Yap
Bulabugin ni Jerry Yap

2 Korean fugitives tiklo sa Boracay

BULABUGIN
ni Jerry Yap

DALAWANG puganteng Koreano ang naaresto ng pinagsanib na puwersa ng Bureau of Immigration (BI) at Philippine National Police (PNP) sa Brgy. Sitio Balabag sa isla ng Boracay.

Si Kwon Yong Tong, 59 anyos, residente sa nasabing lugar ay dinakip sa bisa ng Arrest Warrant No. 2012-7359 na ibinaba ng Seoul Bukbu District Court sa kanilang bansa sa Korea.                

Sinasabing may kasong ‘fraud’ o pandaraya ang nasabing Koreano na tumangay ng malaking halaga sa kanilang lugar.

Matapos madakip si Kwon, kasunod namang ikinasa ang isa pang operasyon laban sa isa pang pugante na si Lim Seung Il, 40 anyos, nadakip sa isang resort sa nasabing isla.

Kasong ‘Mob Assault’ naman ang kinakaharap ng naturang Koreano na may batay sa Arrest Warrant No. 2015-5121 na ibinaba ng Uijeongbu District Court sa kanilang bansa.

Ayon sa ulat, kabi-kabilang negosyo ang pinagkakaabalahan ng dalawang pugante habang sila ay pansamantalang nanirahan sa Boracay.

By the way, hindi ba na-monitor ng Boracay ACO ang dalawang puganteng Koreano?

Pansamantalang naka-detain sa PNP Custodial Unit sa Malay, Aklan ang dalawangn pugante habang hinihintay ang paglilipat sa kanila sa BI Warden’s Facility Unit sa Bicutan, Taguig City.

Dito na rin hihintayin matapos ang deportation proceedings laban sa kanila bago i-deport pabalik sa Korea.

Good job, BI FSU and PNP Malay, Aklan!

UNDOCUMENTED CHINESE
WORKERS NAGLIPANA
SA PASAY AT BACLARAN

ISANG report ang natanggap ng aming opisina tungkol sa mga naglipanang undocumented Chinese workers sa JB Tower, Qatar, at Sunjoy building na nasa Kapitan Ambo at Cuneta streets sa siyudad ng Pasay.

Ang mga nabanggit na towers, ay kilalang pinamumugaran ng mga Tsekwa na walang kaukulang permit at dokumento sa Bureau of Immigration (BI).

Ang New Baclaran Galleria Mall, isang shopping arcade sa Baclaran ay puno ng mga bodega ng mga Tsekwa na kitang-kita ang pag-iimpake ng kanilang mga produktong ipinadadala sa malalayong lugar sa bansa.

Matagal-tagal na rin tayong walang nakikitang malaking operasyon ang BI kung illegal aliens ang pag-uusapan.

Noong panahon ng namayapang si Fugitive Search Unit (FSU) Chief Bobby Raquepo, maraming accomplishments ang ibinigay niya sa BI, na nagpasikat nang husto sa kanilang opisina.

Naging daan din ito upang manumbalik ang tiwala ng iba’t ibang embahada sa kakayahan ng ahensiya na labanan ang kriminalidad sangkot ang mga tiwaling banyaga.

Kumusta naman kaya ang pumalit sa kanyang puwesto ngayon? Sana ay kasing sipag at kasing tikas din siya ng yumaong FSU Chief.

Samantala, hindi sapat na dahilan ang pandemic upang tumigil sa pagbisita sa mga ini-report na kuta ng undocumented aliens ang BI operatives.

Alalahanin na tuloy-tuloy pa rin ang pasok ng Chinese nationals sa airport na nagkukubli sa mga ‘exemptions’ na binabayaran ‘este’ iniisyu sa kanila ng Department of Foreign Affairs (DFA).

        Kung ito ay pababayaan, baka magulat tayo na lahat ng mga gusali at shopping centers sa lungsod ay puro “Made in China” na lang ang paninda?!

Papayag ba kayong mamayagpag uli ang mga gaya ni Betsy Chihuahuwa at Ana Si-lat na kilalang tongpats ng mga tsekwa sa Binondo at Divisoria?

Kataka-taka ang pananahimik ng mag-lola?!

At kanino kaya nakatongpats ang mga illegal Chinese sa Bureau?

Pakisagot nga Kernel Sagu?!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Paghihintay sa SONA

FIRING LINEni Robert B. Roque, Jr. INAASAHANG nakatutok ang mata ng lahat sa Presidente sa …

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

Leave a Reply

Your email address will not be published. Required fields are marked *