Thursday , July 18 2024
arrest prison

Parak timbog sa Zamboanga (Pamilya ng suspek kinikikilan)

ARESTADO ng mga awtoridad nitong Sabado, 21 Agosto, ang isang pulis na lagpas isang dekada na sa serbisyo, dahil sa hinihinalang pangingikil ng pera mula sa mga pamilya ng mga suspek na sangkot sa mga kasong hawak niya, sa lungsod ng Zamboanga.

Kinilala ni P/BGen. Fynn Dongbo, direktor ng PNP-Integrity Monitoring and Enforcement Group (IMEG), ang suspek na si P/Cpl. Alexis Castillo Garcia, sumanib sa PNP noong taong 20210, residente ng Brgy. Putik at nagsilbi bilang imbestigador ng Zamboanga Police Station 11.

Nadakip si Garcia sa Mayor Climaco Avenue sa ikinasang operasyon na magkatuwang na ikinasa ng Criminal Investigation and Detection Group (CIDG) at Zamboanga police.

Ayon kay Dongbo, marami nang nagrereklamo laban kay Garcia mula sa pamilya ng mga suspek na pinangangakuan niyang madi-dismiss ang mga kaso laban sa kanila at hindi maililipat sa Zamboanga City Jail kapalit ng pera.

Ikinasa ang joint operation matapos magtungo sa tang­gapan ni Dongbo ang kapatid ng isa sa mga suspek na nauna nang nadakip dahil sa drug offense, kung saan hiningian umano ni Garcia ng P120,000 ang pamilya upang hindi mailipat sa Zamboanga City Jail.

Narekober ng mga awtoridad mula kay Garcia ang isang bungkos ng boodle money, cellphone, isang Glock 17 pistol, mga magasin at mga bala, Philippine National Police (PNP) service ID, at firearm license card.

About hataw tabloid

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

Leave a Reply

Your email address will not be published. Required fields are marked *