Friday , January 21 2022
Lightning Kidlat
Lightning Kidlat

Kidlat sanhi ng 5-oras na blackout sa Visayas

SANHI ng pagtama ng kidlat sa transmission at distribution lines sa lalawigan ng Cebu, nagkaroon ng malawakang pagkawala ng koryente sa iba’t ibang lugar sa Visayas noong Biyernes ng gabi, 20 Agosto,ayonsa National Grid Corporation of the Philippines (NGCP).

Ayon kay Maria Rosette “Betty” Martinez, NGCP Visayas corporate communications and public affairs lead specialist information officer, bumalik sa normal ang koryente sa lahat ng bahagi ng Visayas pasado 5:00 am nitong Sabado, 21 Agosto, halos limang oras matapos mamatay ang koryente dakong 11:56 pm noong Biyernes.

Sa kanyang pahayag, sinabi ni Martinez, kidlat ang nauna nilang nakitang dahilan ng sabay-sabay na pagkasira ng mga linya sa Colon, (Naga) – Cebu lines 1, 2, at 3, at ang linya ng Colon-Quiot.

Nagsimula ang unti-unting pagbabalik ng koryente sa Cebu dakong 12:52 am hanggang 5:46 am sa Leyte-Samar, at 5:48 am sa Bohol, habang patuloy ang pag-aayos ng Isabel substation upang maibalik ang serbisyo ng koryente ng Leyeco V (Leyte Electric Cooperative Incorporated).

Samantala, sinabi ng Visayan Electric Company (Veco), sa isang advisory sa kanilang social media account, tatlong lugar sa ilalim ng kanilang prankisa ang hindi apektado ng blackout: lungsod ng Naga, at mga bayan ng Minglanilla, at San Fernando — pawang nasa timog na bahagi ng lalawigan ng Cebu.

Pinagsisilbihan ng Veco, pangalawang pinaka­malaking electric utility sa bansa, ang mga lungsod ng Cebu, Mandaue, Talisay, Naga at apat na muni­sipalidad sa Metro Cebu – Liloan, Consolacion, Minglanilla at San Fernando.

Dakong 3:00 am noong Sabado, sinabi ng Veco na naibalik na ang koryente sa Vicente Sotto Memorial Medical Center sa lungsod ng Cebu, at iba pang mga bahagi ng lungsod ng Mandaue at bayan ng Consolacion.

About hataw tabloid

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply