Monday , May 23 2022

Globe nakakuha ng 1,451 permits sa unang anim na buwan ng 2021

NABIGYAN ang Globe ng mga lokal na pamahalaan sa iba’t ibang bahagi ng Filipinas ng 1,451 permits sa unang anim na buwan ng 2021.

Sa tulong ng Bayanihan 2, napabilis nito ang proseso sa pagbibigay ng permits para makapagpatayo ng kailangang cell sites para mas gumanda at tumatag ang serbisyo ng telekomunikasyon lalo sa mga lugar na kulang ang serbisyo.

“Dati napakalaking hamon ang pagkuha ng mga permit pero ngayon, mas maraming lokal na pamahalaan ang nakaunawa na mas mapabubuti ang serbisyo sa kanilang mga nasasakupan kung mayroong connectivity. 

Sa panawagan ng pamahalaan na higit na pagaanin ang proseso sa pagkuha ng permit, nakakuha kami ng mas maraming permit ngayon kompara noong mga nakaraang taon,” ayon kay Joel Agustin, Globe SVP for Program Delivery,  Network Technical Group.

“Ang mga permit na ito ay magpapahintulot sa amin na makapagbigay ng mas mahusay at mas malawak na serbisyo sa mas maraming mga customer na umaasa sa reliable na koneksiyon para matugunan ang kanilang mga pang-araw-araw na gawain at pangangailangan,” dagdag niya.

Nakakuha ng pinakamaraming permit ang Globe sa Hilagang Luzon na may kabuuang 395, habang 314 a Visayas, at 312 sa Metro Manila kasama ang Rizal.

Ang Metro Manila, Cebu, Nueva Ecija, Pangasinan, at Bulacan ang nangungunang limang lalawigan na may pinakamaraming permit na naibigay sa kompanya habang 14 iba pa ang nagbigay ng hindi bababa sa 20 permits.

Pagdating sa mga lungsod o bayan, ang Makati City ay nagpalabas ng pinakamaraming permit na umabot sa 67, ang Davao City ay may 55 at ang Quezon  City ay 53.  May 22 iba pang mga lungsod at munisipalidad ang naglabas ng hindi bababa sa 10 permits.

“Ang mga permit ay magbibigay-daan para mapanatili namin ang momentum sa paglalagay ng maraming cell towers sa mga pangunahing lokasyon. Ito ay makatutulong para mabawasan ang load ng aming network at mapabuti ang mga ibinibigay naming serbisyo sa mga customer gaya ng calls, SMS at data,” sabi ni Agustin.

Ang walang tigil na pagsisikap ng Globe na mapagbuti ang estado ng pagkakakonekta ng bansa ay nagresulta sa pagiging pinaka-consistent na mobile network nito sa dalawang magkasunod na quarters ng 2021, na pinatunayan ng Ookla®.

Nanatiling nangunguna ang telco sa mobile consistency sa buong bansa kompara sa kompetisyon. Ang Consistency Score ng Globe sa Q1 2021 ay 70.43 at sa Q2 2021 ay 75.98[1].

Sinusuportahan ng Globe ang United Nations Sustainable Development Goals, partikular ang UN SDG No. 9 na nagha-highlight sa mga papel na ginagampanan ng impraestruktura at pagbabago bilang mga kritikal na tagapagsulong ng paglago at pag-unlad ng ekonomiya.

Nakatuon ang Globe na itaguyod ang mga prinsipyo ng UN Global Compact at mag-ambag sa 10 UN SDGs.

About hataw tabloid

Check Also

SM Cyberzone Gadget Craze

Crazy good rewards await you at the SM Cyberzone Gadget Craze!
#ScanToPay at SM Cyberzone and be 1 of 50 winners of Php 10k Maya credits

IF you’ve been eyeing that mobile phone for months or saving up for a custom …

SM Aura Electronic Vehicles EV Charging

Para makatipid at makapag-enjoy habang nasa mall
EV CHARGING INILUNSAD NG SM MALLS

INILUNSAD ng SM Malls ang Electronic Vehicles (EV) Charging sa SM Aura kasunod ang paglulunsad …

SM Hans Sy DRR Disaster Risk Reduction

DRR experts: Science and technology key to addressing disasters, mitigating its effects in Asia-Pacific

The Asia Pacific is the most disaster-prone region in the world. According to the United …

Sharp 40th Anniversary 10 million washing machine

Sharp celebrates its 40th Anniversary with a 10 millionth mark of washing machine

In its 40th anniversary celebration, Sharp Philippines marks its 10th Million production in washing machine, …

Globe At Home Viber community GoWiFi KonsultaMD HealthNow

Kasado sa mas mahigpit na alert level
GLOBE GROUP, MAY LIBRENG WIFI SA OSPITAL,
Doktor agad sa KonsultaMD, at antiviral drug kontra CoVid-19 sa HealthNow

NANANATILING bukas ang mga service channels ng Globe para magbigay-serbisyo sa mga customer nito sa …

Leave a Reply