Tuesday , January 25 2022

Duterte-Duterte tandem sa 2022 delikado sa PH (Kasiraan sa international community)

HATAW News Team
 
LEGAL mang maituturing, sakaling tumakbo bilang pangulo at pangalawang pangulo ang mag-amang Pangulong Rodrigo at Sara Duterte, dahil walang restriksiyon nito sa ilalim ng Saligang Batas, ngunit posibleng magresulta ito ng panganib at kasiraan sa bansa, at iyon din ang magdadala ng negatibong impresyon sa international community, ayon sa isang political analyst.
 
Sinabi ng batikang political analyst na si University of the Philippines (UP) professor Ramon Casiple, tiyak na pagpipiyestahan sa buong mundo ang Filipinas kapag nangyari ang Duterte-Duterte tandem.
 
Malinaw, aniya, isa itong pagpapairal ng ‘monarchy’ na hindi pa nangyari sa isang demokratikong bansa sa buong mundo.
 
“Isang ploy man o hindiang pagpapalutang nito, para sa aking pananaw ay hindi dapat ituloy ang tandem na ganito na mag-ama ang hahawak ng pinakamataas na posisyon sa gobyerno. Hindi ko sinasabi na bawal ito kundi dahil hindi ito kanais-nais at taliwas sa kultura ng mga Filipino at maging sa buong mundo,” paliwanag ni Casiple.
 
Aniya, ang naging katanggap-tanggap sa mga nakaraang eleksiyon ay “one after the other” na pagkapangulo gaya ng nangyari sa kaso nina dating Pangulong Gloria Macapagal-Arroyo at yumaong Pangulong Benigno “Noynoy” Aquino III, na sinundan ang yapak ng kanilang mga magulang pero hindi ang magkasabay gaya ng planong Duterte-Duterte sa May 2022.
 
Inihalimbawa ni Casiple ang kaso ng nepotismo sa mga opisina na ipinagbabawal dahil sa kakaibang impluwensiyang maibibigay ng kamag-anak at lalo na umanong magiging kontrobesiyal kung ipipilit ni Pangulong Duterte na sabayan ang pagtakbo ng kanyang anak sa darating na eleksiyon.
 
“May danger ‘yan, magiging iba na ang tingin sa atin ng ibang bansa dahil ‘monarchy’ na ang iiral sa Filipinas. ‘Yung highest power ay kontrolado na ng iisang pamilya,” dagdag ng professor.
 
Samantala kombinsido si Casiple na tatakbo sa presidential race si Davao City Mayor Sara Duterte.
 
Aniya hindi man kompirmahin ng alkalde ang kanyang plano sa 2022 elections, ay ito ang kanyang ipinahihiwatig sa pag-iikot sa mga lalawigan.
 
Aniya, noon pang nakaraang taon, malinaw ang aksiyon ni Mayor Sara na may plano siya sa 2022 elections at ang kanyang pag-iikot ay simula ng kanyang pagpapakilala.
 
Matatandaan, una nang inilinaw ng kampo ni Mayor Sara — ang Hugpong ng Pagbabago, hindi pamomolitika ang ginagawang konsultasyon sa iba ibang partido at politiko.
 
Pero hindi ito kinagat ng kanilang mga kritiko, isa rito ang ACT Teachers Partylist na nagsabing “action speaks louder than words” at inakusahan ang alkalde na guilty sa napakaagang pangangampanya.
 
Ang pag-iikot ni Mayor Sara ay pinuna sa harap ng patuloy na paglobo ng CoVid-19 cases sa Davao, gaya ng isinasaad sa pinakahuling datos ng OCTA Research at Department of Health (DOH), may petsang 17 Hulyo ay nakakapagtala pa rin ng 225 kaso kada araw sa Davao City habang umabot sa 96% ang hospital intensive care unit utilization rate.
 
Ang Davao City ang may pinakamataas na CoVid-19 cases kung ihahambing sa malalaking siyudad sa bansa at mas mataas pa ito kaysa Quezon City (116), Cebu (98), Iloilo (88), Bacolod (87, Maynila (86) at Makati (63).

About hataw tabloid

Check Also

Rabiya Mateo Lolo Narding Flores

Rabiya abogado ang tulong na maibibigay kay Lolo Narding

HATAWANni Ed de Leon NANAWAGAN ang dating Miss Universe contestant at nag-aartista na ngayong si Rabiya Mateo sa kung …

Las Piñas City Mayor Imelda Aguilar

Las Piñas City LGU pasado sa SGFH ng DILG

INIANUNSIYO nitong Huwebes, 20 Enero 2022, ni Las Piñas City Mayor Imelda Aguilar ang pagpasa …

Para sa CoVid-19 test kits PITMASTER NAGBIGAY NG P100-M SA LGUs

Para sa CoVid-19 test kits
PITMASTER NAGBIGAY NG P100-M SA LGUs

SA PATULOY na pagsirit ng hawaan ng CoVid-19 sa bansa partikular sa Metro Manila, nag-donate …

NTC suportado sa pagtutol ng OSG sa “ABS-CBN Favoritism Bill” na isinusulong ni Sen. Leila De Lima

SINUPORTAHAN ng National Telecommunication Commission (NTC) ang pagtutol ng Office of the Solicitor General (OSG) …

Cha-cha ipaubaya sa sunod na kongreso — Rodriguez

HINIMOK ni House Deputy Speaker Rufus Rodriguez ang mga kasamahan niya sa Kongreso na ipaubaya …

Leave a Reply