Wednesday , September 28 2022

Duterte supalpal sa ninanasang VP ‘immunity’ (Takot mahoyo)

ni ROSE NOVENARIO
 
HINDI ligtas sa asunto ang bise presidente ng Filipinas.
 
Inilinaw ito ng ilang legal experts, matapos aminin ni Pangulong Rodrigo Duterte sa national assembly ng PDP-Laban sa sa Clark, Pampanga noong Sabado na sasabak siya sa 2022 vice presidential race para makaligtas sa mga asuntong isasampa laban sa kanya pagbaba sa poder sa susunod na taon.
 
Sinabi ni Far Eastern University (FEU) College of Law Dean Mel Sta. Maria, ‘palpak’ ang paniniwala ni Duterte dahil walang immunity sa kaso ang vice president ng bansa.
 
“Wala sa konstitusyon at sa ating jurisprudence na may immunity ang bise-presidente. Palpak kayo riyan sir. Basic to the point of being elementary sa law students ang puntong iyan,” paskil ng abogado sa kanyang Facebook account.
 
Ayon kay Sorsogon Gov. Chiz Escudero, isang abogado, malinaw sa Saligang Batas na Pangulo ng Filipinas at hindi ang Bise Presidente ang may immunity sa mga asunto.
 
“The 1987 Constitution explicitly states that the President is immune from suit. The same, however, is not true for the Vice-President,” ani Escudero sa Twitter.
 
Gayondin ang paninindigan nina Albay 1st Dist. Rep. Edcel Lagman at dating Supreme Court Public Information Office chief Theodore “Ted” Te.
 
“The VP is not immune from suit by law or by tradition. Non-issue. Non-story,” sabi ni Te sa Twitter.
 
Kahit ilang beses minaliit ni Pangulong Duterte ang mga pahayag nina dating Sen. Antonio Trillanes IV at dating Supreme Court Senior Associate Antonio Carpio laban sa kanya, kinompirma niyang ang takot sa mga banta na aasuntohin siya, ang nagtutulak sa kanyang kumandidong bise-presidente upang makaligtas sa kulungan.
 
“They keep on threatening me with lawsuits and everything. Trillanes and itong si Carpio and his ilk. Panay ang takot sa akin na mademanda ako,” anang Pangulo sa PDP-Laban national assembly.
 
“Sabi ng batas, kung presidente ka, bise presidente ka, may immunity ka. E ‘di, tatakbo na lang ako na bise presidente,” dagdag niya.
 
Kahit dumalo si Pangulong Rodrigo Duterte, hindi kinilala nina Sens. Aquilino Pimentel III at Emmanuel “Manny” Pacquiao ang naturang national assembly na nagpatalsik sa kanila sa puwesto bilang presidente at executive vice chairman ng PDP-Laban.
 
Ang tunay na national assembly anila ng PDP-Laban ay sa darating na Setyembre.
 
Mismong si Justice Secretary Menardo Guevarra ay inihayag noong Hulyo 2019 na hindi ligtas sa kaso ang vice president ng bansa.
“The Constitution does not grant the vice president immunity from suit.”
 
Sinabi ito ni Guevarra kasunod ng kasong sedition na isinampa laban kay Vice President Leni Robredo kaugnay sa viral videos na nag-ugnay kay Duterte sa ilegal na droga.
 
Ibinasura ng DOJ ang mga asunto laban kay Robredo.
 
Maging si dating Vice President Jejomar Binay ay tinambakan ng kasong graft habang nasa poder noong administrasyong Aquino.

About Rose Novenario

Check Also

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Chinese national arestado sa pananakit sa ka-live-in na Pinay

Chinese national arestado sa pananakit sa ka-live-in na Pinay

INARESTO ng mga awtoridad ang isang dayuhan matapos ireklamo ng pananakit sa kinakasamang Pinay sa …

Trucks Protest DPWH

Truck drivers, pahinante at operators sa Bulacan, tumigil na sa pagbiyahe…
PROTESTA SA HINDI PATAS NA IMLEMENTASYON NG ANTI-OVERLOADING LAW

Sabay-sabay na tumigil sa pagbiyahe ang nasa 6,000 miyembro ng Bulakan Truckers Group nitong Setyembre …

Arrest Posas Handcuff

Markado bilang top 10 most wanted person sa Bulacan, nakalawit

NAARESTO ng mga awtoridad ang isang pugante na markado at matagal nang pinaghahanap ng batas …

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Leave a Reply