Wednesday , October 20 2021

‘Child Friendly Safe Zones’ itinakda sa QC

ITINAKDA ng Quezon City government ang ilang open-air locations sa lungsod bilang ‘Child Friendly Safe Zones.’

Ibig sabihin, papa­ya­gan magtungo at maka­pagsagawa ng outdoor activities, non-contact sports at exercisee, ang mga paslit na limang taong gulang pataas.

Ito’y matapos pahin­tu­lutan na ng Inter-Agency Task Force on COVID-19 (IATF) ang mga batang limang taon pataas mula sa kanilang mga tahanan.

Sa inilabas na memorandum, tinukoy ni Quezon City Mayor Joy Belmonte ang Quezon Memorial Circle at Ninoy Aquino Parks and Wildlife na kabilang sa mga pasyalan na idineklarang ‘Child-Friendly Safe Zones.’

Kasama rin dito ang ilang city-owned parks na pinangangasiwaan ng Quezon City Parks Development and Administration Department (PDAD), kabilang ang mga pasyalan sa loob ng mga residential subdivisions.

Bukod dito, sinabi ni Belmonte, ang Quezon City Business Permits Licensing Department (BPLD) ay maaari rin magtakda ng Safe Zones, kabilang ang mga outdoor activity areas, swimming pools, tourist sites, al fresco dining o iba pang open air areas sa mga malls at iba pang commercial establishments.

Anang alkalde, ang hakbang ay alinsunod sa panawagan ng UNICEF Philippines sa local governments na payagan ang mga batang maka­paglaro at makapag­sagawa ng sports at exercise sa outdoor areas, para na rin sa physical at mental well-being nila ngayong may CoVid-19 pandemic pa rin.

Sa nasabing memorandum, sinabi ni Belmonte, ang mga limang taong gulang pataas ay maaaring pumasok sa mga Safe Zones para sa mga non-contact activities gaya ng outdoor playtime, games, sports, exercise, outdoor swimming o iba pang leisure activities, at para sa al fresco dining, ngunit dapat na may kasamang fully-vaccinated adult guardian.

Inihayag rin ng alkalde, maaaring ireko­menda ng City Epidemiology and Surveillance Unit (CESU) ang pagbawi o reboka­syon o modipikasyon ng designasyon ng lokasyon bilang Child-Friendly Safe Zone sakaling magkaroon ng malawakang paglabag sa health protocols o kung magkaroon ng CoVid-19 outbreaks.

Agad umanong sususpendehin ng QC Mayor ang operasyon ng zone kung ang lokasyon nito ay isasailalim sa Special Concern Lockdown. (ALMAR DANGUILAN)

About Almar Danguilan

Check Also

Janine Gutierrez

Janine Gutierrez itinanggi basang kili-kili tweet; BBM supporters kuyog

FACT SHEETni Reggee Bonoan MARIING itinanggi ni Janine Gutierrez ang umano’y viral tweet niya na pinansin …

101821 Hataw Frontpage

Exclusive: Pinay sa Kuwait patay sa ‘sadiki’ bday girl nag-suicide (Nalason sa selebrasyon)

HATAW News Team ISANG 26-anyos overseas Filipino worker (OFW) sa Kuwait ang na-comatose hanggang tuluyang …

Smart, BTS

Pagbayad ng Smart-PLDT ng daang milyong piso sa foreign endorsers hinagupit ng kongresista

BINATIKOS ng isang partylist congressman ang top executives ng Smart-PLDT dahil sa pagkuha ng mga …

Quezon Province

Gob ‘sabit’ sa dinukot na ‘saksi’ sa heinous crime (‘Biktima’ gustong suhulan)

MULING mahaharap sa panibagong kasong kriminal si Quezon Province Gov. Danilo Suarez matapos ituro ng …

No Entry, mall, indoor dine-in, Covid-19

17-ANYOS PABABA BAWAL PA RIN SA MALL, DINE-IN RESTO

MANANATILING bawal sa mga mall at dine-in restaurants sa Metro Manila ang mga kabataang may …

Leave a Reply