Saturday , January 28 2023

Fish kill sa Taal lake umabot sa 109 metric tons na

LALO pang nadagdagan ang bilang ng mga namamatay na isda sa lawa ng Taal mula nang itaas sa Alert Level 3 ang estado ng bulkan.
 
Sa report ng Bureau of Fisheries and Aquatic Resources Region 4-A, nasa 108 metric tons ang naitalang dami ng namatay na bangus at tilapya mula noong nakaraang linggo. Katumbas nito ang halagang P 8,999,250.
 
Sabi ng BFAR CALABARZON, nasa 22.5 metric tons ng bangus ang nasira sa anim na fish cages, na may tatlong buwan nang inaalagaan at may halagang P480,000, at isang fish cage na sana ay aanihin na, at tinayang may halagang P1,062,500.
 
Sa tilapya, nasa 86.5 metric tons ang namamatay na may halagang P7,356,750 para sa 11 fish cages na nakatakda na sanang anihin.
 
Hindi pa matukoy ng BFAR kung may kaugnayan sa estado ng bulkang Taal ang naranasang fish kill sa Lawa nitong mga nakaraang araw.
 
Samantala, muling nagpamalas ng pag-alboroto ang bulkang Taal nitong Miyerkoles ng umaga.
 
Sa datos na inilabas ng Philippine Volcanology and Seismology (Phivolcs), apat na beses nagkaroon ng maliliit na phreatomagmatic burst ang bulkan.
 
Una, dakong 5:18 am, 7 Hulyo, tumagal ito nang halos isang minuto at nasundan ng 8:47 am na tumagal ng pitong minuto at naglabas ng 300 meters na taas ng plume.
 
Ikatlo at ikaapat, dakong 9:15 am at 9:26 am na tumagal ng dalawa hanggang limang minuto.
 
Habang ang panglima naman ay 11: 56 am, naitala ang 200 metrong kulay itim na plume o usok matapos makunan ng main crater IP Camera ng ahensiya. (ALMAR DANGUILAN)

About Almar Danguilan

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply