Friday , March 29 2024
Gari Escobar Nora Aunor

Gari Escobar, nagiging malaya sa pamamagitan ng musika

ALAM MO NA!
ni Nonie Nicasio
BUKOD sa pagiging kilalang tunay na Noranian at iniidolo nang husto ang Superstar na si Ms. Nora Aunor, kilala si Gari Escobar na isang fan at supporter ng OPM o ng Original Pilipino Music.

“Dapat po, sa ating mga Filipino magsimula ang pagmamahal sa ating kultura, sa ating sining, at sa ating mga awitin. Kaya salamat po sa mga nagmamahal at sumusuporta sa OPM. Although marami rin akong favorites na foreign artists, the challenge is to help bring OPM to the world. Kaya ang songs ko po na inire-release ay 100 percent OPM,” paliwanag ni Gari.

Marami siyang hinahangaang local at foreign artists tulad nina Rico J. Puno at Michael Jackson mula pa noong hindi pa siya kumakanta professionally. Sina Eric Clapton, Paul McCartney, at John Lennon ay kabilang naman sa nagsisilbing inspirasyon ni Gari sa paglikha ng musika.

Aminado si Gari na umiikot sa musika ang buhay niya. “Paggising ko po, after ko mag-pray ay music na agad. Para po siyang eyeglasses ng isang malabo ang mga mata. Very important po sa akin ang music, dahil para itong kaibigan na laging nandiyan, ano man ang nararanasan mo, hindi ka huhusgahan… pareho kayo ng nararamdaman,” sambit ng singer/songwriter.

Ayon pa kay Gari, iba ang pakiramdam kapag siya’y kumakanta. “Kapag kumakanta ako, ibinabalik ako ng kinakanta ko sa mga moments at mga lugar na nagkaroon ng connection sa akin ang kantang inaawit ko. ‘Pag nagko-compose ako ng kanta, ang saya ng pakiramdam ko kasi parang nailalabas ko ang nararamdaman ko. Parang nabubunutan ako ng tinik, parang lumalaya ako,” saad pa niya.

Samantala, super-ligaya at thankful ni Gari sa dalawang nominasyon na nakuha niya sa 12th Star Awards for Music ng PMPC. Nominado siya sa Novelty Song Of The Year at Novelty Artist Of The Year para sa Hanggang Andito Pa na mula sa Ivory Music and Video Inc.

Ito ang second time na na-nominate si Gari sa Star Awards for Music. Una ay noong 2019 bilang Best New Male Recording Artist of the Year, na napanalunan niya. Sa Aliw Awards naman, kinilala ang kakayahan ni Gari sa larangan ng musika nang siya’y parangalan bilang Breakthrough Artist of the Year noong December 2020. Na-nominate rin siya rito bilang Best Pop Artist.

“Second time kong ma-nominate sa PMPC Star Awards and this time, sa dalawang category, as an artist and sa song yung isa. Hindi ko ito ine-expect kaya ang saya ko talaga, siguro lalo na kapag nanalo pa, baka mapalundag ako. Hahaha!”

Dagdag pa ni Gari, “Kaya excited talaga ako, lalo akong gaganahan sa pagkanta at paglikha ng mga musika. Iba kasi yung first time at parang mas sobrang exciting ang pangalawa dahil validation ito sa nauna mong panalo, di ba?”

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *