Sunday , September 25 2022
shabu drug arrest

6 tulak ng droga tiklo (P.7-M shabu sa Vale)

ANIM na hinihinalang tulak ng droga ang naaresto  makaraang makuhaan ng mahigit sa P.7 milyong halaga ng shabu sa magkahiwalay na buy bust operation ng mga awtoridad sa Valenzuela City, kahapon ng madaling araw.

Sa imbestigasyon ni P/Cpl. Pamela Joy Catalla, dakong 3:00 am nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni P/Lt. Joel Madregalejo sa ilalim ng panganga­siwa Col. Ramchrisen Haveria, Jr., sa Libis Bukid, Brgy. Malinta na nagresulta sa pagka­kaaresto kay Jeany Rose Radaza, alyas Apple, 37 anyos.

Kasamang inaresto sina Michael Anthony Balcruz, alyas Praning, 49 anyos, Erlinda Gutierrez, 53 anyos, Babylyn Novilla, 42 anyos, at Elwood Edoyaga, 40 anyos, na naaktohan ng mga operatiba na sumisinghot ng shabu sa loob ng bahay.

Nakompiska ng mga operatiba ang nasa 55 gramo ng hinihinalang shabu na tinatayang nasa P374,000 ang halaga, buy bust money na binubuo ng isang tunay na P500 bill at 10 pirasong P500 boodle money, P700 cash, 4 cellphones at ilang drug paraphernalia.

Bandang 10:28 pm nang unang matimbog ng isang team ng SDEU sa pangunguna ni P/Lt. Medregalejo sa buy bust operation sa Lords Candle St., De Castro Subd., Brgy. Paso De Blas si Remy Jaen, 41 anyos, matapos bentahan ng P8,000 halaga ng shabu ang isang pulis na nagpanggap na buyer.

Ayon kay SDEU investigator P/SSgt. Ana Liza Antonio, nakuha sa suspek ang tinatayang 55 gramo ng hinihinalang shabu na may standard drug price na P374,000, buy bust money na binubuo ng isang tunay na P1,000 bill at 7 pirasong P1,000 boodle money, P2,200 cash, cellphone at pouch.

Kapwa nahaharap ang anim na suspek sa kasong paglabag sa Comprehensive Dangerous Drug Act. (ROMMEL SALES)

About Rommel Sales

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply