Sunday , February 5 2023
arrest posas

Kelot na akyat-bahay timbog sa forbes park

TIMBOG ang 22-anyos binata na hinihinalang miyembro ng ‘akyat-bahay gang’ nang matiyempohan ang kanyang pagsampa sa bakod ng Forbes Park Village, sa Makati City, nitong Miyerkoles ng gabi.
 
Kinilala ni Makati City Police Chief P/Col. Harold Depositar, ang suspek na si Raynan Jim Antolin, Filipino, residente sa Mandaluyong City.
 
Base sa ulat ni P/Cpl. Ryan, nahuli ang suspek habang nakasampa sa pader na bakod sa 124 Cambridge Circle, Forbes Park Village, Makati City dakong 10:05 pm.
 
Sa imbestigasyon, habang nasa EDSA northbound, sa pagitan ng Buendia at Quingua Street, nakita ang suspek na umaakyat sa pader ng Forbes Park Village.
 
Nang nakababa na ang suspek, agad siyang dinakma ng mga awtoridad at ininspeksiyon ang dalang itim na back pack at nasa loob nito ang nasa 20 talampakan na stranded wire, isang wrench one cutter, isang ice pick, 2 Philips screw, isang plyer, isang metal saw, isang L-type round tube, at isang sako na pinaniniwalaang sisidlan ng mga nakaw na gamit.
 
Sa kabila ng pader, narekober ang tsinelas ng suspek na iniwan upang tumawid ng bakod.
 
Isinalang na kahapon ng hapon sa inquest proceedings ang suspek sa Makati Prosecutor’s Office sa kasong paglabag sa Article 281 ng Revised Penal Code (Other Forms of Trespass) at Batas Pambansa 6 (Illegal Possession of bladed and pointed Weapon). (JAJA GARCIA)

About Jaja Garcia

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply