Friday , March 29 2024

Duda, hindi pera sagabal sa herd community — Imee

SAMANTALA, nanawagan si Senador Imee Marcos sa pamahalaan na maglatag ng mas klarong estratehiya para mapataas ang bilang ng mga mahihikayat na magpabakuna at mapabilis ang herd immunity laban sa CoVid-19, para tuloy-tuloy ang pagbangon ng ekonomiya ng bansa.
 
“May pera tayong pambili ng mga bakuna. Pero nananatiling hamon ang pag-aalangan o pag-aatubiling magpabakuna ng mga mamamayan na maaaring mauwi sa pagkasayang mga bakuna at pondo ng gobyerno kaysa insidente ng mahinang cold storage. Kung walang herd immunity, pautay-utay din ang ating economic recovery,” ani Marcos.
 
“Para malutas ito, kinakailangang madetermina ng gobyerno kung saan dapat maglunsad ng puspusang information campaign na aakma sa lengguwahe, kakaibang kostumbre, at sistema ng paniniwala ng isang lokal na pamahalaan. Halimbawa, ang pagbibigay-diin na ang bakunang aakma o kailangan sa BARMM ay halal, o ang isang partikular na bakuna ay nasubukan na sa mga Muslim sa bansa,” paliwanag ni Marcos.
 
Ani Marcos, kailangang makapagpresinta ang IATF ng Plan B, kapag hindi natupad ang ipinangakong supply ng bakuna sa Filipinas sa taong ito.
 
Maraming pagkaantala ang hinarap ng IATF sa mga nakaiskedyul na pag-angkat ng mga bakuna mula sa mga global pharmaceutical firm at COVAX facility ng World Health Organization, dahil sa hoarding o sobra-sobrang pag-iimbak at hindi pagkakasundo sa pagdedeliber nito sa pagitan ng mga bansang gumagawa ng bakuna.
 
“Liwanag sa dilim,” ani Marocs, ang pangako ng pito sa pinakamayamang demokratikong bansa na magsu-supply ng nasa bilyong CoVid-vaccine doses sa mahihirap na bansa sa susunod na taon.
 
“Maraming Western countries ang humahabol sa vaccine diplomacy ng China,” ang sabi ni Marcos tungkol sa G7 na binubuo ng Canada, France, Germany, Italy, Japan, the United States, and the United Kingdom.
 
“Ang pangako ng G7 sa 2022 ay nangangahulugan na ang bakunang ating binibili sa taong ito ay maaaring mai-produce at maideliber. Ngunit dapat i-follow up ng IATF ang mga nauna nang pangako para maremedyohan agad ang pagkaantala at hindi na tumagal pa ang timeline para mabakunahan ang 70 porsiyento ng populasyon,” ani Marcos.
 
Dagdag ni Marcos, na chairman din ng Senate committee on electoral reforms and people’s participation, ang pagtaas ng pagtanggap sa bakuna ay makatutulong sa pagpapabilis ng rehistrasyon ng mga botante.
 
“Para ang eleksiyon sa susunod na taon ay totoong magpapakita kung sino ang talagang nais nating mamuno habang patuloy ang pandemya, tungo sa pagrekober ng ating ekonomiya.” (NIÑO ACLAN)

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *