Saturday , September 24 2022

Binay sinita si Puyat sa CoVid-19 health protocol violations

IUUTOS kaya ni Pangulong Rodrigo Duterte na arestohin at ikulong si Tourism Secretary Berna Romulo-Puyat dahil sa paglabag sa CoVid-19 health protocols?

Tanong ito ng ilang political observers matapos sitahin ni Sen. Nancy Binay si Puyat dahil sa umano’y serye ng paglabag sa health protocols kaugnay sa lumabas na Instagram stories ng kalihim kasama ang 6-anyos na si Scarlet Snow Belo sa pag-iikot sa tourism sites sa Bohol.

Sinabi ni Binay, hindi katanggap-tanggap na ang isang kalihim ay pinapayagan mamasyal ang isang 6-anyos bata na walang suot na facemask at face shield sa mga pampublikong lugar at tour sites.

“Allowing a six-year-old child to go around without facemask and face shield in tour sites and public areas, and for a member of Cabinet not practicing basic health protocols is flat out unacceptable,” anang senadora.

Matatandaan noong Setyembre 2019, hinirang ni Puyat si Scarlet bilang PH Tourism Ambassador.

Si Scarlet ay anak ng celebrity couple na sina Dra. Vicki Belo at Hayden Kho.

Sa ilang pahayag ni Pangulong Rodrigo Duterte sa  kanyang Talk to the People, malimit niyang murahin ang mga mamamayan na lumalabag sa health protocols sanhi ng pagkalat ng CoVid-19.

Noong nakaraang buwan, inatasan niya ang mga pulis na dakpin ang health protocol violators ngunit sa daan-daang libong naaaresto ng mga awtoridad mula noong isang taon, wala ni isang politiko o celebrity ang kanilang nasakote.

Kabilang sa mga naging kontrobersiyal dahil sa umano’y paglabag sa health protocols pero hindi inaresto ay sina dating PNP chief Gen. Debold Sinas, Baguio City Mayor Benjamin Magalong, Presidential Spokesman Harry Roque, at Tim Yap.

(ROSE NOVENARIO)

About Rose Novenario

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply