Thursday , February 22 2024

Duterte vs Pacquiao: Round 2 sa WPS issue

HINDI nagpaawat si Sen. Manny Pacquiao nang ‘bigwasan’ muli si Pangulong Rodrigo Duterte nang maliitin ang kanyang kaalaman sa foreign policy kaugnay sa isyu ng West Philippine Sea (WPS).
 
Sinabi ni Pacquiao, hindi siya sang-ayon sa pagtasa ng Pangulo sa kanyang pang-unawa sa foreign policy.
 
Si Duterte ang chairman at si Pacquiaoang acting president ng ruling PDP-Laban.
 
Sa panayam kamakalawa ng gabi sa SNMI, tinawag ni Pangulong Duterte na mababaw ang kaalaman ni Pacquiao sa foreign policy kaya’t dapat mag-aral pa siya bago magbigay ng komento sa usapin ng WPS.
 
Nanindigan si Pacquiao na ang kanyang pahayag ay sumasalamin sa sentimiyento ng mayorya ng populasyon ng Filipinas, na magkaisa sa pagprotekta sa soberanya habang isinusulong ang mapayapa at diplomatikong solusyon sa agawan sa teritoryo sa WPS.
 
“I firmly believe that my statement reflects the sentiment of majority of the Filipinos, that we should stand strong in protecting our sovereign rights while pursuing a peaceful and diplomatic solution to the dispute,” sabi ni Pacquiao sa isang kalatas kahapon.
 
“I am a Filipino voicing out what needs to be said in defense of what has been adjudicated as rightfully ours,” dagdag niya.
 
Noong nakaraang buwan, binatikos ni Pacquiao ang aniya’y naging malamlam na postura ni Pangulong Duterte sa reclamation at militarization ng China sa South China Sea mula nang maluklok sa Malacañang noong 2016.
 
“Nakukulangan ako roon, kompara doon sa bago siya tumakbo noong eleksiyon pa lang. Dapat ituloy niya ‘yun para magkaroon ng respeto sa atin ang China,” sabi ng senador sa isang virtual press briefing noong Mayo.
 
Isa si Pacquiao sa naging kritikal sa pahayag ng Pangulo kamakailan na tanga ang mga naniwala sa kanyang ‘biro’ na sasakay ng jet ski patungong WPS upang itanim ang watawat ng Filipinas sa ginanap na presidential debate noong 2016 elections.
 
Imbes igiit ang panalo ng Filipinas sa arbitral court na nagpawalang bisa sa 9-dash line claim ng Beijing sa South China Sea, isinantabi ito ni Pangulong Duterte kapalit ng loans mula sa China para sa mga proyektong impraestruktura ng kanyang administrasyon. (ROSE NOVENARIO)

About Rose Novenario

Check Also

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

Leave a Reply

Your email address will not be published. Required fields are marked *