Thursday , February 9 2023
Sipat Mat Vicencio

Pambato ng oposisyon maaaring si Isko, si Leni o si Grace

SIPAT
ni Mat Vicencio

MABIBIGONG manatiling muli sa impluwensiya o kontrol ni Pangulong Rodrigo “Digong” Duterte ang pamahalaan kung solidong magkakaisa ang lahat ng bloke ng oposisyon na magkaroon ng isang kandidatong tatakbo sa pagkapangulo sa darating na halalan sa 2022.

Ito lamang ang nalalabing solusyon ng oposisyon kung nais nilang sipain at tapusin ang paghahari ni Digong at hindi na muling makapaghalal ng kaalyadong kandidato bilang pangulo.

Ang lahat ng galit at nandidiri kay Digong ay dapat na magkaisa. Sakripisyo ang kailangan at hindi dapat na maging makasarili, at magparaya sa kung sino man ang mapipiling kandidato para masiguro ang tagumpay laban sa mamanukin ni Digong.

Sa kasalukuyan, sina Manila Mayor Isko Moreno, Vice President Leni Robredo, at Senator Grace Poe lamang ang lumalabas na maaaring piliin ng oposisyon na maging kandidato para mapabagsak ang presidential bet ni Digong.

Lilinawain natin, hindi nangangahulugan na ang oposisyong sinasabi ay ang 1Sambayan, kundi bahagi lamang ito ng isang united front o nagkakaisang prente ng lahat ng political groups at simpleng mamamayan na nagnanais na hindi na muling makapaghari si Digong.

Kailangang madaliin ng oposisyon ang kanilang plano at kung magkakaisa ay kaagad na ihayag kung sino kina Isko, Leni, at Grace ang magiging presidential candidate sa 2022 na ibabangga sa babasbasang kandidato ni Digong.

Kalabisan na ang anim na taong paghahari ni Digong at hindi mapanghahawakan ang sinasabing makinarya, organisasyon at pera na titiyak sa panalo ng kanilang kandidato dahil na rin sa mga kapalpapakan sa pagpapatakbo ng gobyerno ng kasalukuyang liderato.

Mahaba ang atraso ni Digong sa bayan.  Ang isyu sa West Philippine Sea, pagharap sa pandemya dulot ng COVID-19, korupsiyon, droga, unemployment at malalang krimen ang tatapos sa magiging kandidato ng administrasyon.

Sa kasalukuyan, paborable rin sa oposisyon ang nangyayaring gulo sa loob ng administration party lalo na ang bangayan nina Senator Manny Pacquiao at Energy Secretary Alfonso Cusi kabilang ang ‘sikuhan’ ng mga nag-aambisyong maging pangulo tulad nina dating Senador Bongbong Marcos, Sen. Bong Go, Rep. Alan Peter Cayetano at Davao City Mayor Sara Duterte.

Kailangang samantalahin ng oposisyon ang ‘labu-labo’ sa loob ng kasalukuyang pamahalaan at ituloy ang konsolidasyon ng lahat ng anti-Duterte groups at matukoy ang isang tunay na kandidatong magpapabagsak at tatapos sa mala-diktador na pamumuno ni Digong.

About Mat Vicencio

Check Also

AKSYON AGAD ni Almar Danguilan

Orihinal na hari ng lansangan, puwede pang ipasada

AKSYON AGADni Almar Danguilan GOOD NEWS ba ang ‘ika n’yo? Yes my dear Filipino brothers …

Dragon Lady Amor Virata

Pahirap talaga ang taas-pasahe

Isumbong mokay DRAGON LADYni Amor Virata MALUNGKOT na balita para sa ating mga kababayan ang …

AKSYON AGAD ni Almar Danguilan

 ‘Pangil’ ng LTO,  nagagamit na sa tamang paraan

AKSYON AGADni Almar Danguilan KAPANSIN-PANSIN ngayon ang ‘tapang’ ng Land Transportation Office (LTO) sa mabilisang …

Dragon Lady Amor Virata

LGUs Laging Walang Pondo

Isumbong mokay DRAGON LADYni Amor Virata SAKIT na yata ng local government units (LGUs) na …

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

Leave a Reply