Saturday , January 28 2023

Senator Pacquaio narekrut, kumampi, nagtiwala, umasa… An’yare Manny?

MUKHANG ‘napaglaruan’ ng mga kasama niya sa partidong PDP Laban si Senator Manny Pacquaio.
 
Kumbaga, hindi nakita ni Sen. Manny ang nakaambang ‘jab’ ng mga kasama sa PDP Laban nang magpatawag ng council meeting sa Cebu pero hindi siya isinama.
 
Arayku!
 
Sabi nga, si Senator Manny Pacquaio ay narekrut, kumampi, nagtiwala, at umasa…
 
Pero pinaasa lang pala dahil sa huli’y hindi siya kasama sa pipiliing presidentiable o kahit vice presidentiable ng PDP Laban.
 
Kaya pala nagkumahog na magdaos ng council meeting para isulong si Pangulong Rodrigo Duterte sa 2022 sa vice presidential bid.
 
Sa resolusyon ay binigyan ng kapangyarihan si Pangulong Duterte na pumili ng kanyang running mate o ang magiging standard bearer ng PDP-Laban sa 2022 presidential derby.
 
Sinabi ni Presidential Spokesman Harry Roque na ipinauubaya ni Pangulong Duterte sa Diyos ang pagpapasya kung tutuloy siya sa vice presidential bid sa 2022 national elections.
 
Pero sa isang hiwalay na pahayag ni PDP-Laban executive director Ronwald Munsayac, ang mga dumalo sa Cebu meeting ay lumabag sa mga patakaran ng partido.
 
“Since the PDP Laban chairman (Pacquiao) is not incapacitated, suspended, resigned or expelled from the party, the vice chairman cannot usurp the functions of the chairman found in Article XVI, Section 4 of the PDP Laban constitution. The vice chairman cannot call for a meeting of the national council, since only the real chairman can,” ani Munsayac.
 
Ibig sabihin ba’y totoo ang sinabi ni Roque na inatasan ni Pangulong Duterte, bilang chairman ng PDP- Laban, si Energy Secretary Alfonso Cusi, vice chairman ng partido, na iorganisa at pangunahan ang pagdaraos ng council meeting?
 
Hindi siguro alam ni Senator Manny, na si Al Cusi ay hindi lang simpleng political animal, siya ay isang political operator.
 
Tsk tsk tsk…
 
Kapag poder talaga ang pinag-uusapan, ‘bastusan’ lang ang labanan.
 
Noong kailangan ng ‘deodorant’ bidang-bida si Manny, pero ngayon parang isa na siyang basahan sa paningin ng mga kinilala niyang kasama at kaibigan sa politika.
 
Mukhang hindi tumalab ang mga “Bible verses” ni Senator Manny sa mga kasama niya sa PDP Laban.
 
Ang sabi nga, champion man sa boxing si Pacman sa walong dibisyon, pero pagdating sa politika, amateur pa rin siyang maituturing.
 
Sabi ng mga sector na mahilig magbasa ng kalagayang pampolitika sa bansa — “Better luck next time Manny!”
 
 
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com
 
 
BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply