Monday , September 26 2022
gun QC

Ginang binaril sa leeg ng kapitbahay na pulis-kyusi

KAHINDIK-HINDIK ang kamatayan ng isang ginang na binaril sa leeg nang malapitang ng isang pulis na dati umanong nakasuntukan ng kanyang anak sa Brgy. Greater Fairview, Quezon City, kamakalawa ng gabi.
 
Sa ulat kay Quezon City Police District (QCPD) Director, P/Brig. Gen. Antonio Yarra, ang napatay ay kinilalang si Lilibeth Valdez, 52 anyos, residente sa Sitio Ruby, Brgy. Greater Fairview dahil sa tama ng bala sa leeg.
 
Habang todo-tanggi sa krimen ang suspek na si P/MSgt. Henzie Zinampan, na nakatalaga sa Philippine National Police (PNP) – Security and Protection Group (PSPG), kahit ang insidente ay nakunan ng video.
 
Batay sa salaysay ng anak ng biktima na si Beverly Luceño, dakong 9:00 pm nang maganap ang malapitang pagbaril sa isang tindahan malapit sa kanilang tahanan, kung saan bumili ng sigarilyo ang biktima at saka tumambay.
 
Maya-maya ay nilapitan ng suspek si Valdez na noon ay lasing at kitang-kita sa video na kaagad itong bumunot ng baril mula sa bag na itinago pa sa kanyang likuran bago lapitan at kausapin ang biktima.
 
Maririnig ang suspek na sinasabi sa biktima na “Sino’ng wala? Pareho tayong lasing ‘di ba?”
 
Sinagot naman siya ng babae na “Iwasan mo ‘yan,” na sinagot ng suspek na, “Anong iwasan? Anong iwasan? Ngayon na makikita… ha?”
 
Maya-maya ay inilabas ng suspek ang baril at ikinasa at saka sinabutan ang babae, sabay sabing, “Ngayon na! Dito ka!”
 
Nagmamakaawa naman ang babae at sinabing “Sir, huwag n’yo naman akong saktan!” pero bigla na siyang pinaputukan sa leeg ng suspek na nagresulta ng agarang kamatayan ng biktima.
 
Mabilis na naglakad palayo sa lugar ang suspek at iniwanang nakahandusay ang biktima.
 
Agad naaresto ng mga tauhan ng Quezon City Police District (QCPD) – Fairview Police Station ang suspek at nakuha mula sa kanya ang baril na ginamit sa pagpaslang sa biktima.
 
Nang kapanayamin ng media, todo-tanggi ang suspek at sinabing hindi niya ginawa ang pagbaril, kahit mayroong video footages ang insidente.
 
Ayon kay Beverly, dati nang may alitan ang suspek at ang kanyang kuya dahil nagkasuntukan umano noong 1 Mayo habang pareho silang lasing.
 
Panawagan ni Luceño, sana ay makonsensiya ang biktima at managot sa nangyari sa kanyang ina.
 
Nakapiit suspek sa Camp Karingal at sasampahan ng kasong murder.
 
Ipinag-utos na rin ni PNP chief Gen. Guillermo Eleazar kay Gen. Yarra na pabilisin ang proseso ng pagsasampa ng kasong kriminal at administratibo sa suspek upang kaagad na matanggal sa serbisyo. (ALMAR DANGUILAN)

About Almar Danguilan

Check Also

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …

Bong Revilla Jr

Sen Bong mamimigay ng kotse, motorsiklo, laptop, at cash sa kanyang kaarawan

SHOWBIZ KONEKni Maricris Valdez Nicasio TIYAK na marami ang matutuwa sa espesyal na regalo ni Sen …

Nueva Ecija PPO, PNP PRO3, Prison

No. 1  most wanted rapist ng Nueva Ecija, nasakote

ARESTADO sa inilatag na Manhunt Charlie Operation ng mga awtoridad ang nakatalang Rank no. 1 …

Masungi Georeserve

Peace and order sa Masungi Georeserve, ibabalik — Gen. Nartatez

TINIYAK ni Police Regional Office 4A Regional Director, P/BGen. Jose Melencion Nartatez, Jr., na agad …

Leave a Reply