Monday , December 6 2021

Chinese nationals prayoridad nga ba sa singitan ng bakuna sa lungsod ni Pasay Mayora Emi? (Pfizer para lang sa kaalyadong barangay officials?)

HABANG maraming Filipino ang nag-aalala na baka hindi sila mabakunahan agad, nakapangagamba na mayroong local government units (LGUs) na nagiging kontrobersiyal dahil may isyung vaccine slots for sale o mas matindi, nagpalusot ng mga dayuhang Chinese para sumingit sa pila ng mga Pinoy na naghihintay ng bakuna.
Only in the Philippines lang talaga na lahat ng pangangailangan para labanan ang CoVid-19 upang tuluyan nang pahupain ang pandemya ay nagiging scam.
 
Remember PPEs (gown, facemask, faceshield), overpriced swab test, lab tests etc?
 
At ang nasasangkot pa sa scam kung hindi mismong opisyal ay kani-kanilang ayudante mismo.
 
Ilang araw nang pinag-uusapan sa social media, bukod pa sa personal na text messages na natatanggap natin, ang pagpapasingit ng Pasay LGU sa walong Chinese nationals para mabakunahan.
 
Take note, walong Chinese nationals at hindi lima o tatlo lang.
 
Ayon sa ilang impormasyon, diyan daw po sa likod ng Pasay city hall sa Pasay City West High School naganap ang dalawang insidente ng pagpapasingit sa mga Chinese national.
 
‘Yung unang batch daw po ay 5 Chinese nationals at ‘yung pangalawang batch ay 3 Chinese nationals as in G.I. or Genuine Intsik.
 
Noong May 19 daw po nangyari, bandang 12:00 to 1:00 pm.
 
Tsk tsk tsk…
 
Hindi ba’t hanggang sa kasalukuyan ay limitado pa rin ang supply ng bakuna sa bansa, at nasa 3 milyon pa lang ang nababakunahan? Napakalayo nito sa target na 70 milyon para maabot ang herd immunity at karamihan sa bakuna ay Sinovac na mula sa China.
 
Sa ibang bansa, lalo sa mga first world countries na nakagawa mismo ng mga bakuna, hindi nila problema kahit maraming dayuhan ang nabakunahan nila.
 
E kasi nga, marami silang supply ng bakuna. Dito sa Filipinas, umaasa lang tayo sa kaloob ng China (sana nga ay donasyon lang at hindi ilistang utang ng Filipinas kapag iba na ang presidente ng bansa) at ng COVAX Facility.
 
Anyway, wala naman tayong nakikitang masama sa ekstensiyon ng pagbabakuna sa mga dayuhan, pero mayroon ngang mga patakaran kaugnay ng mga prayoridad.
 
At doon, ‘tila’ may paglabag ang Pasay LGU. Kaya dapat siguro itong klarohin ng Inter-Agency Task Force (IATF) or ng National Task Force (NTF).
 
Kapag dayuhan ba, lalo na kung Genuine Intsik (GI) ay puwedeng labagin ang mga patakaran sa prayoridad ng pagbabakuna?!
 
Isa lang ‘yan sa mainit na pinag-uusapan sa social media.
 
‘Yung isa naman, gusto nating tanungin si Mayora Emi, totoo bang ang bakunang gawa ng Pfizer ay inilalaan lang ninyo para sa mga barangay officials lalo na doon sa mga kaalyado ninyo?
 
Ang Pfizer sa Pasay ay hindi para sa frontliners and priority sectors kundi para sa ‘frontliners’ nila na hahakot ng boto?!
 
Homaygad! Bakuna equals boto ba ‘yan?
 
Ganoon ba ‘yun, Madam Mayora Emi? E paano ‘yan pumutok sa media?
 
Paano na ang boto?!
Arayku!
 

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Sir Jerry Yap JSY

MARAMI na akong nabalitaang uri ng pagpatay, pero hindi ko akalain na sa ganitong panahon …

Sir Jerry Yap JSY Hataw

Isang alaala ng walang pag-iimbot na pagtulong

ISANG alaala na hindi ko makalilimutan habang ako ay nabubuhay ay nang magkaroon ako ng …

Sir Jerry Yap JSY Percy Lapid

True friendship lasts forever

MAGANDANG gabi po sa inyong lahat. Una ko pong nakilala si Jerry Yap, sa katotohanang …

Sir Jerry Yap JSY Rommel Sales

Maligaya na ang birthday ko, okey na si Rommel — JSY

MARAMING salamat, Sir JSY. Nabulabog mo kaming lahat, mga tauhan mo, pamilya, lahat ng nagmamahal …

Leave a Reply