Wednesday , October 5 2022

CoS ng solon nagwala sa P13-M ‘unliquidated ASEAN funds’

PANAHON na naman ng pagsusuri kung paano ginastos ang pera ng bayan kaya’t may ilang opisyal at empleyado ng gobyerno ang umiikot ang puwet at hindi makatulog kapag nabisto ang pondong nadispalko.
 
Sumugod noong nakalipas na Biyernes ang chief of staff ng isang mambabatas sa isang attached agency ng Presidential Communications Operations Office (PCOO) dahil ‘inahabol’ umano siya sa mahigit P13 milyong ‘unliquidated funds’ na ginamit noong Philippine chairmanship ng 2017 Association of Southeast Asian Nations (ASEAN).
 
Nabatid sa source, nagulat ang lahat nang dumating ang COS ng lawmaker at galit na galit na pinagmumura ang mga dinatnang empleyado sa ahensiya noong nakaraang Biyernes nang mabatid na hindi umano siya ‘pinagtakpan’ sa iniwan niyang mahigit trese milyones unliquidated funds bilang dating opisyal nila.
 
Pinagbantaan pa umano silang ipatatanggal ng COS ng lawmaker sa trabaho dahil nabisto ng Komisyon ng Pagsusuri na makalipas ang tatlong taon ay hindi pa rin sapat ang mga kaukulang dokumento para bigyang katuwiran ang mahigit P13 milyong ‘dumaan’ sa kanyang mga palad.
 
Idinagdag ng source, kaya mayabang ang dati nilang opisyal dahil ipinagmamalaki na nakasandal siya sa pader na ‘’mala-Great Wall of China’ sa tibay.
 
Nakapaloob din umano sa halagang ito ang ultimo parking fee sa mga lugar na pinuntahan niya kasama ang kanyang ‘bebot’ na ikinarga sa kaban ng bayan.
 
Sa takot umano ng isang miyembro ng gabinete sa impluwensiya ng COS ng lawmaker ay inutusan niya ang mga tauhan na ‘tulungan’ para malusutan ang nakaambang ‘disallowance’ sa mahigit trese milyones na unliquidated funds.
 
Kapag nag-isyu ng notice of disallowance ang Komisyon sa isang ahensiya o opisyal ng gobyerno, obligadong ibalik sa kaban ng bayan ang pondo at ito umano ang ikinatatakot ng COS ng lawmaker.
 
Clue: Mahilig magmalasakit at galit daw sa korapsyon ang amo ngayon ng hinahabol sa trese milyones. (ROSE NOVENARIO)
 

About Rose Novenario

Check Also

arrest posas

2 manggagantso timbog sa bitag

HINDI na nakapalag ang dalawang indibiduwal na kapwa mga residente sa Cavite nang arestohin ng …

100422 Hataw Frontpage

Binangga ng SUV saka pinagbabaril riding-in tandem sa Las Piñas
BETERANONG BRODKASTER, KOLUMNISTA ITINUMBA

ni MANNY ALCALA PINAGBABARIL hanggang mapatay ang isang beteranong hard-hitting broadcaster at kolumnista sa diyaryo …

Ika-33 taon ng kooperatiba sa Bulacan ipinagdiwang

Ika-33 taon ng kooperatiba sa Bulacan ipinagdiwang

SA layuning pagkaisahin at isulong ang lahat ng mga koopertiba sa buong lalawigan, sinimulan ng …

Bulacan Recuers Luksang Parangal

Pagkilala at pinansiyal na suporta bumuhos sa limang rescuers na nasawi sa Bulacan

BUMUHOS ang mga pagkilala at pinansiyal na suporta para sa mga bayaning tagapagligtas sa ginanap …

Sta maria Bulacan Police PNP

Pusher na 67-anyos na lolo, kinalawit sa ibibiyaheng ‘bato’

KAHIT malapit ng lubugan ng araw ay nagagawa pa ng isang lolo na gumawa ng …

Leave a Reply