Wednesday , May 29 2024
Sipat Mat Vicencio

Sabotahe si Trillanes

KUNG propaganda ang pag-uusapan, masasabing mahina talaga ang ulo o row 4 itong si dating Senador Sonny Trillanes.  Sa halip kasing makatulong sa oposisyon, mukhang nakagugulo pa dahil sablay ang ginagawa para tuluyang ‘lumpuhin’ ang administrasyon ni Pangulong Rodrigo “Digong” Duterte.

Kung tutuusin, hilahod na hilahod na si Digong dahil na rin sa mga kapalpakan ng kanyang gobyerno lalo sa pagharap sa problema ng CoVid-19 at usapin ng pagsakop ng Tsina sa West Philippine Sea.

Hindi kayang salagin ni Digong ang sunod-sunod na kritisismo laban sa kanya at hindi malaman ng mga alipores nito kung paano ipagtatanggol ang kanilang ‘naghihingalong’ pangulo.

Lalo pang nasilaban ang galit ng taongbayan nang mismong aminin ni Digong na “joke” lang ang kanyang sinabi na sasakay siya sa isang jet ski papuntang Spratly Islands at ilalagay doon ang bandila ng Filipinas.

“Pure campaign joke at ang maniwala ay estupido!” sabi pa ni Digong.

At sa gitna ng kaliwa’t kanang upak kay Digong, at hindi maawat-awat na galit ng mamamayan, biglang sulpot naman si Trillanes at nakapagtatakang ideklara na tatakbo siya sa susunod na pambansang eleksiyon bilang pangulo.

Umintriga pa ang damuho nang sabihing malamang na tumakbo na lamang si Vice President Leni Robredo bilang gobernador sa Camarines Sur at hindi maaaring walang pambato ang oposisyon sa darating na presidential elections.

Dito mabilis na naglabas ng pahayag ang kampo ni Robredo at sinabing wala pang tiyak na desisyon ang pangalawang pangulo sa usaping pagtakbo sa darating na pambansang eleksiyon sa 2022.

Dahil sa deklarasyon ni Trillanes, tuwang-tuwa ang mga operator ni Digong dahil nakakuha ng buwelo para malihis ang mga puna sa kanilang pangulo at ikarga ang intriga na meron hidwaang nagaganap sa loob ng oposisyon sa pagitan ni Trillanes at ni Robredo.

Kung tutuusin, mali talaga ang ginawa ni Trillanes. Wala ito sa timing at maituturing na diversionary move pabor sa administrasyon, at dahilan para makabangon sa usapin ng propaganda si Digong at maibalik ang banat sa oposisyon.

Ito ang sinasabi nating nakatatakot kay Trillanes. Hindi natin alam kung nag-iisip o sadyang merong saltik lang at kung ano ang makursunadahan ay gagawin kahit hindi alam kung anong negatibong implikasyong maaaring maidulot sa kanilang hanay.

Sana maisip ni Trillanes, sa bakbakang propaganda, kinakailangang sama-sama, kapit-bisig at walang lilihis, at nakasentro ang birada sa kalaban.  Sabi nga, walang sabotahe!

SIPAT
ni Mat Vicencio

About Mat Vicencio

Check Also

FIRING LINE ni Robert B. Roque, Jr.

Katotohanan sa likod ng kuwento ni Guo

FIRING LINEni Robert B. Roque, Jr. INAAKALA marahil ni Mayor Alice Guo na nagbibigay siya …

Dragon Lady Amor Virata

Hindi lahat ng huwes ay matino

Isumbong mokay DRAGON LADYni Amor Virata SA HALIP na magkaloob ng hustisya at protektahan ang …

Sipat Mat Vicencio

Tigas ng mukha ni Senator Bato

SIPATni Mat Vicencio “TO Bato dela Rosa, who stuck it out with me to the …

00 Onins Thought Niño Aclan Logo

Cyberlibel vs Tony Leachon ‘resulta’ ng iresponsableng  pahayag sa social media

ONIN’s THOUGHTSni Niño Aclan MAHIRAP talagang masanay na isang social media icon lalo na kung …

YANIG ni Bong Ramos

Former PDEA agent Jonathan Morales, walang masustansiyang sinabi sa Senate hearing, nuknukan ng sinungaling

YANIGni Bong Ramos WALANG NAPALA, walang nahita at walang nakuhang konkreto ang Senado sa mga …

Leave a Reply

Your email address will not be published. Required fields are marked *