Saturday , October 23 2021

Araw ng Paglingap ng INC itinakda tuwing 10 Mayo sa Bulacan

IDINEKLARA ni Gob. Daniel Fernando sa pamamagitan ng Kautusang Tagapagpaganap Blg. 17 Serye 2021, ang 10 Mayo bilang “Araw ng Paglingap ng Iglesia Ni Cristo” sa lalawigan ng Bulacan o “Humanity Day of the Iglesia Ni Cristo” na epektibo sa araw ng kanyang paglagda noong 30 Abril 2021.

“Bilang pagkilala po sa mga naiambag at patuloy na ibinabahagi ng ating kapatiran sa INC sa ikabubuti ng lipunan, lalo sa lalawigan ng Bulacan, atin pong bibigyang-halaga ang nasabing araw bilang parangal sa kapanganakan ng kanilang dakilang tagapagtatag na si Ministrong Tagapagpaganap Felix Y. Manalo,” ani Fernando.

Ito ang binigyang diin ng gobernador sa maikling programa na “Iglesia Ni Cristo Lingap Sa Mamamayan ng Lalawigan ng Bulacan” na ginanap sa Bulacan Capitol Gymnasium sa lungsod ng Malolos.

Bilang bahagi ng paglingap ng INC, nagkaloob ng 2,000 food packs na kabilang sa 4,000 kabuuang ayuda na ipamamahagi sa mga Bulakenyo.

Layon nitong mabawasan ang paghihirap sa panahon ng pandemya dulot ng CoVid-19 at makatulong sa CoVid-19 response ng Bulacan sa pangunguna ni Fernando.

Hindi na bago ang isinasagawang pagtulong ng INC gaya noong nagsimulang manalasa ang CoVid-19, isa sila sa nagbukas ng pintuan upang pansamantalang gawing quarantine area at treatment facility ang Philippine Arena sa Bocaue.

Bukod sa pagpapalaganap ng Ebanghelyo buhat nang itinatag ito noong 27 Hulyo 1914, kabalikat na ng pamahalaan ang INC sa hindi matatawarang paglilingkod sa mga mamamayan.

Sa huli, sinabi ng gobernador, upang mas lalo pang tumibay ang nasabing pagkilala, magsusumite siya ng kahilingan sa Sangguniang Panlalawigan. (MICKA BAUTISTA)

About Micka Bautista

Check Also

Dr Kilimanguru, DJ Jhai Ho, Kiray Celis, #BestTimeWithGlobe, Best Time With Globe

Mga sikat na online personalities sa kanilang #BestTimeWithGlobe

SHOWBIZ KONEKni Maricris Valdez Nicasio TATLONG sikat na social media personalities, Dr. Kilimanguru, DJ Jhai Ho, at Kiray Celis ang …

Cassy Legaspi, Beautederm, Rhea Tan

CASSY LEGASPI, SOBRANG NA-IN LOVE SA MGA PRODUKTO NG BEAUTÉDERM

ALAM MO NA!ni Nonie Nicasio IPINAHAYAG ng young actress na si Cassy Legaspi na sobrang happy …

Francine Diaz, Alvin Professional Skin Care

SIKRETO NI FRANCINE SA MAGANDANG MUKHA IBINAHAGI

HARD TALK!ni Pilar Mateo SA isang tsikahan sa miyembro ng Gold Squad na si Francine Diaz, inamin nito …

Krystall Herbal Oil, Krystall Nature Herbs, Insomnia

Insomnia ini-relax ng Krystall Herbal Oil at Nature Herbs

Dear Sis Fely Guy Ong, Tawagin n’yo na lang po akong Romeo, 46 years old, …

Cassy Legaspi, Beautederm, Rhea Tan

Rhea Tan thrilled kay Cassy Legaspi – She embodies the vibrancy of youthfulness

SHOWBIZ KONEKni Maricris Valdez Nicasio BAHAGI na ng lalo pang lumalaking pamilya ng Beautederm Corporation ang TV …

Leave a Reply