Friday , January 21 2022

Ginang nilamon ng sawa sa isang maisan sa Sulawesi

Kinalap ni Tracy Cabrera
 
SULAWESI, INDONESIA — Isang babae ang buung-buong nilamon ng malaking sawa habang nasa kanyang maisan sa Muna Island kalapit ng Sulawesi sa Indonesia nitong nakaraang linggo.
 
Ayon sa ulat ng The Washington Post mula sa naunang report ng Jakarta Post, kinilala ang ginang na si Wa Tiba. Umalis ng kanyang bahay si Wa noong Huwebes ng gabi para tingnan ang kanyang pananim na mais na may layong halos isang kilometro mula sa kanyang tahanan.
 
Kinabukasan ay hinanap ang biktima dahil hindi na siya umuwi mula nang pumunta sa kanyang maisan.
 
Ayon sa kapatid nito, hinanap niya muna si Wa at ang natagpuan lamang niya sa maisan ay bakas ng yapak ng biktima at ang flashlight at itak (machete) na dala nito at suot niyang tsinelas.
 
Kinabukasan, agad na humingi ng tulong ang kapatid ni Wa sa kanyang mga kapitbahay at lokal na awtoridad kaya ginalugad ng may 100 residente ng Persiapan Lawela ang lugar kung saan nawala si Wa at doon nila natagpuan ang isang sawa na may sukat na 23 talampakan at lomobo ang tiyan sa kabusugan.
 
Nang patayin nila ang higanteng sawa at biniyak ang tiyan, doon na nila natagpuan ang buong katawan ni Wa.
 
Pangkaraniwan ang mga sawa, o reticulated python, sa lugar ng biktima ngunit ang tunay na pinangangambahan ni Wa noong siya’y nabubuhay pa ang mga baboy ramo na gumagala sa kanyang maisan at kinakain ang kanyang pananim.
 
Sinabi ng mga awtroridad, malamang hindi sa loob ng tiyan namatay ang biktima dahil kadalasang tinutuklaw muna ng mga sawa ang kanilang kakainin saka nililingkis hanggang maubusan ng hininga bago ito nilululon nang buo.
 
Ang pythons ay kinikilalang pinakamahabang ahas sa buong mundo at ang tanging kinakain ay maliliit na hayop. Gayon man, mayroong kahintulad na pangyayari ng nakaraang taon sa baryo ng Salubiro sa Sulawesi rin, na kianin nang buo ang isang magsasaka, ibinalita din ng The Washington Post.
 
 

About Tracy Cabrera

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply