Friday , January 21 2022

6 kelot arestado sa labanang gagamboy

CAMP GEN FLORENDO, LA UNION — Libangan, ‘ika nga, ng mga kabataan ang pakikipaglaban ng gagamba dahil tulad ng mga kulisap na kung tawagin ay cricket at gayon din ang mga panabong na manok at mga isdang tinaguraing ‘fighting fish’ ang mga gagamba ay mababangis na mandirigma at hindi basta nagpapatalo sa kanilang kalaban.
 
Kaya nga naging uso ito bilang pampalipas ng oras at pang-aliw sa kalungkutan ang labanan ng mga gagamba. Dangan nga lang ay ginamit ito bilang isang bisyo sanhi ng malikot na kaisipan ng ilan sa atin na ginawa itong sugal imbes inosenteng libangan.
 
Tulad nga ng pagkakaaresto sa anim na lalaking naaktohan ng mga awtoridad na nagpupustahan sa labanan ng gagamba sa Barangay Buse-Busel sa Luna, La Union.
 
Ang mga inaresto ay kinilala ng pulisya na sina Lolito Jiron, 32 anyos; Aurelio Noval, Jr., , 37; Ariel Noval, 29; Rommel Jiron, 39, pawang mga taga-Barangay Cabuaan sa bayan ng Balaoan; Romeo Santiago, 22 anyos, binata, ng Bgy. Pantar, Balaoan; at Raymund Lopez, 25 anyos, may asawa, ng Brgy. Suyo sa Luna.
 
Isang laro man na maituturing ang labanan ng gagamba, dinakip ang mga suspek dahil sa kanilang pagpupustahan at ngayon ay nadawit sila sa anti-illegal gambling operation na ikinasa ng lokal na pulisya sa kanilang komunidad.
 
Nakompiska sa anim ang tatlong improvised na elongated multi-small box na naglalaman ng 19 gagamba bukod sa isang improvised na fighting table para sa gagamba, improvised na mga pitsang panaya at mga perang pantaya na umaabot sa P40.
 
Ang mga suspek at ang mga nakompiskang ebidensiya ay nasa kustodiya na ng Luna Police habang inihahandang ang kaso na paglabag sa Municipal Ordinance No. 83-2018 na nagbabawal sa kahit anong uri ng sugal. (TRACY CABRERA)
 

About Tracy Cabrera

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply