MALAYO sa kanyang previous role as Brianna sa Prima Donnas ang karakter na ginagampanan ngayon ni Elijah Alejo sa third episode ng groundbreaking drama series na I Can See You: The Lookout.
Mabait at may pagka-naive raw si Christine, ang role ni Elijah sa The Lookout. Kuwento pa niya, ”Medyo nanibago po ako sa character ko na napakabait, napakahinhin, and napaka-naïve. Iyong dating character ko po kasi masyadong nakakainis sa buhay.”
Ang The Lookout ay pinagbibidahan nina Barbie Forteza, Paul Salas, at Christopher de Leon.
Kuwento ito ng isang raketera girl na nagdesisyong kumapit sa patalim para makahanap ang perang ipantutustos sa pagpapagamot ng kanyang kapatid na may sakit.
Mapapanood ang I Can See You: The Lookout mula Lunes hanggang Biyernes, April 19 – 23, pagkatapos ng First Yaya sa GMA-7.
Rated R
ni Rommel Gonzales
