Monday , October 25 2021
YANIG ni Bong Ramos
YANIG ni Bong Ramos

Community pantries maraming natutulungan, ingat lang sa virus

MARAMING kababayan natin ang natutulungan nitong community pantries pero sana ay isaalang-alang din ang kalusugan.

Ikinakatuwa ng mga residente ang alituntunin ng mga pantries na nagbibigay ng mga libreng goods na pangunahing pangangailangan gaya ng bigas, de-lata, noodles at marami pang iba.

Malaking tulong ito lalo sa mga kababayan nating mahihirap partikular ang mga nawalan ng trabaho dahil sa pagsasara ng mga negosyo mula nang ibalik ang enhanced community quarantine (ECQ) sa buong bansa.

Iyan ang mga kapatid nating “no work, no pay.” O ‘yung mga tinatawag na ‘isang kahig, isang tuka’ at walang ibang inaasahan kundi ang arawan nilang suweldo na ipinagkait sa kanila ng gobyerno.

Sinasaluduhan at hinahangaan natin ang mga taong nasa likod ng community pantries na walang ibang ginawa kundi ibahagi ang lahat ng abot-kaya nilang ibigay sa mga taong mas higit na nangangailangan.

Ang lahat ng kanilang serbisyo ay libre at galing sa sarili nilang bulsa. Iyan ang nagpapataba sa puso ng ilang kababayang naghihikahos. Huwag kayong mag-alala dahil hindi kayo nag-iisa.

Ang mga ganitong galaw ay isang pahiwatig na ang bayanihan na ating kinamulatan ay buhay na buhay pa rin at nananatili a ating puso at diwa.

Sa lahat ng mga taong nasa likod ng proyektong ito na walang ibang intensiyon kundi ang tumulong at wala rin namang inasam na kapalit, mabuhay kayong lahat at nawa’y patnubayan kayo ng Poong Maykapal.

PLDT BRANCH SA TAYUMAN,
WALA ‘RAW’ IPINATUTUPAD
NA PRIORITY O COURTESY LANE
PARA SA SENIOR CITIZENS

Isang branch umano ng Philippine Long Distance Telephone Co. (PLDT) sa Tayuman St., Tondo, Maynila ang walang ipinatutupad na priority o courtesy lane sa mga senior citizen, PWDs, at mga buntis.

Ayon sa mga nagrereklamo, sinabi daw sa kanila ng isang security guard at ilang staff ng nasabing kompanya na wala raw silang sinusunod na courtesy lane sa mga senior citizen at PWDs.

Isang pila lang daw ang dapat sundin. Sama-sama lahat ang mga tao kung ano man ang rason o pakay ng kanilang pagpunta. Walang pribilehiyo, prayoridad, at konsiderasyon silang ibinibigay kung kaya’t kawawa ang mga nakatatanda nating mga kababayan, pumipila rin sila — customer service o payment of bills.

Bukod-tanging ang kompanyang ito ang hindi nakitaan ng courtesy lane na naaayon at mahigpit na ipinapatupad ng batas.

Nananawagan ang mga customers o kliyente sa management ng nasabing kompanya na pakibusisi ang isyung ito.

YANIG
ni Bong Ramos

About Bong Ramos

Check Also

Bulabugin ni Jerry Yap

Dumausdos sa survey
‘TVC’ NI YORME DAPAT PALITAN

BULABUGINni Jerry Yap HINDI patok sa masa ang TV ads ni Manila Mayor Francisco “Isko …

Bulabugin ni Jerry Yap

Presyo ng langis sumirit energy secretary Al Cusi, anyare?

BULABUGINni Jerry Yap HINDI lang pala kalihim ng enerhiya at political party executive si Secretary …

Balaraw ni Ba Ipe

Dalawang kriminal

BALARAWni Ba Ipe HAYAAN na magbalik tanaw sa kasaysayan. Hayaan na talakayin ang kuwento ng …

Usaping Bayan ni Rev. Fr. Nelson Flores, MSCK, JD

Idalangin natin ang kaharian ng Diyos dito sa lupa

USAPING BAYANni Rev. Fr. Nelson Flores, MSCK, JD. NAKALULUNGKOT na ang ating lipunang ginagalawan ay …

Bulabugin ni Jerry Yap

SENATORIAL SLATE NG BAWAT PARTIDO ‘NAMUMUTIKTIK’ NA POLITICAL BUTTERFLY

BULABUGINni Jerry Yap MUKHANG walang buong line-up ang bawat partido politikal na sasabak sa eleksiyon …

Leave a Reply