Friday , March 29 2024

US ‘one ‘call away’ sa PH (Sa problema sa West Philippine Sea)

“ONE call away” lang si Uncle Sam kapag kailangan ng saklolo ng Filipinas laban sa pangangamkam ng China sa teritoryo ng bansa sa West Philippine Sea (WPS).

Sinabi ni Philppine Ambassador to the United States Jose Manuel “Babes” Romualdez, hinihintay ng US government ang tawag ng gobyerno ng Filipinas kung kailangan  ng tulong na paalisin ang mga barko na nakaparada sa exclusive economic zone ng bansa  sa WPS.

“The United States is obviously waiting for us to call them if we need their assistance in removing or asking the vessels that are parked in our area of responsibility or economic zone,” sabi ni Romualdez sa Malacañang virtual press briefing kahapon.

Magkatuwang aniya ang US Navy at Philippine Navy upang tiyakin ang freedom of navigation sa WPS.

“Both our military, the Armed Forces of the Philippines and the Pentagon have been communicating. Both are obviously working together and the United States just recently sent their USS Theodore Roosevelt and they had an operation there at the West Philippine Sea,” dagdag ni Romualdez.

Inihayag ni Pangulong Rodrigo Duterte kamakalawa ng gabi, tanging gera lamang ang makapagpapalayas sa China sa EEZ ng Filipinas sa WPS.

Giit ng Pangulo, batay umano sa US-PH Mutual Defense Treaty, tutulong ang Amerika kapag Filipinas ang inatake ng ibang bansa ngunit kapag tayo ang unang umatake ay hindi aayuda ang US.

Hindi pa man pumuputok ang unang bala sa pinangangam­bahang pakikipaggera sa China, sumuko na si Pangulong Duterte.

“You know — you know the cost of war. And if we go there really to find out and to assert jurisdiction, I said, it would be bloody. It will result in a violence that we cannot maybe win,” anang Pangulong sa Talk to the People kamakalawa ng gabi.

Minaliit ng Pangulo ang kapangyarihan ng United Nations na utusan ang China na itigil ang pangangamkam sa WPS kahit ibinasura ng Permanent Court of Arbitration ng UN ang historic at sovereign rights claim ng China sa WPS at iklinaro na ito ay teritoryo ng Filipinas.

Batay sa desisyon, walang legal na basehan ang paggamit ng Beijing sa “nine-dash” line para sabihing, sila ang may karapatan sa lugar.

Ani Pangulong Duterte, nananaginip si dating Supreme Court Associate Justice Antonio Carpio sa paniwalang kayang ipatupad ng UN ang arbitral ruling laban sa China.

Buwelta ni Carpio, mentalidad ng bata ang pagsuko dahil ang katunggali ay matigas ang ulo.

May nauna na aniyang mga desisyon ang UN na sinunod ng makapangyarihang bansa gaya nang paboran ang Nicaragua kontra sa Amerika na sinunod ng US at ang UN Resolution na nag-utos sa United Kingdom na ibalik ang Chagos Archipelago sa Mautitius batay sa opinyon ng International Court of Justice.

“Getting a UN resolution in your country’s favor is already a huge victory because that means the world community is behind your country. That strengthens enormously your country’s position and weakens greatly your advesary’s position. This is how a country defends its national interest. A country cannot just fold up and give up just because the other side is stubborn. That is a childish mentality,” ani Carpio.

Inihayag ni Duterte, wala siyang interes sa usapin ng pangingisda ng China sa WPS pero tiniyak niya na magpapadala ng warship sa WPS kapag langis na ang inagaw ng China sa EEZ ng Filipinas.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *