Friday , March 29 2024
Bulabugin ni Jerry Yap
Bulabugin ni Jerry Yap

Digong ‘suko’ gihapon sa isyu ng WPS sa China

MUKHANG nasira ang tapang ni Pangulong Rodrigo Duterte sa isyu ng West Philippine Sea (WPS) na paboritong tambayan ng mga barkong pandigma ng itinuturing niyang kaalyado — ang China.

Inihayag ni Pangulong Rodrigo Duterte kamakalawa ng gabi, gera lang daw ang makapagpapalayas sa China sa exclusive economic zone (EEZ) ng Filipinas sa WPS.

Ang siste, sabi ng Pangulo, batay sa US-PH Mutual Defense Treaty, tutulong ang Amerika kapag Filipinas ang inatake ng ibang bansa ngunit kapag tayo ang unang umatake ay hindi aayuda ang US.

Wattafak!

Wala pa ngang ‘putukan’ umatras na agad ang Pangulo?!

Ganoon ba ‘yun??

“You know — you know the cost of war. And if we go there really to find out and to assert jurisdiction, I said, it would be bloody. It will result in a violence that we cannot maybe win,” ‘yan mismo ang sinabi ng Pangulo sa “Talk to the People” kamakalawa ng gabi.

Ewan lang natin kung may nanood o nakipag-usap pa sa ganoong disoras ng gabi.

Tsk tsk tsk…

Nagtataka naman tayo, ‘masyadong takot’ si Tatay Duts sa China pero inismol ang kapangyarihan ng United Nations na puwedeng utusan ang China na itigil ang pangangamkam sa WPS, kahit ibinasura ng Permanent Court of Arbitration ng UN ang historic at sovereign rights claim ng China sa WPS. Iklinaro rin ng UN na ang bahaging iyon ng WPS ay teritoryo ng Filipinas.

Iginiit din ng UN na walang legal na basehan ang paggamit ng Beijing sa “nine-dash” line para sabihing, sila ang may karapatan sa lugar.

Nagawa ba ng China ‘yan sa Vietnam, Indonesia, at Taiwan?!

Ay sus, mukhang ang barako ng Davao lang ang ‘suko gihapon’ sa China??!

Binanatan pa ni Pangulong Duterte na nananaginip si dating Supreme Court Associate Justice Antonio Carpio sa paniwalang kayang ipatupad ng UN ang arbitral ruling laban sa China.

Pero resbak ni Carpio, mentalidad ng bata ang pagsuko dahil ang katunggali ay matigas ang ulo.

Sabi nga ni ex-Supreme Court Associate Justice, may naunang desisyon ang UN na sinunod ng makapangyarihang bansa gaya nang paboran ang Nicaragua kontra sa Amerika na sinunod ng US at ang UN Resolution na nag-utos sa United Kingdom na ibalik ang Chagos Archipelago sa Mautitius batay sa opinyon ng International Court of Justice.

“Getting a UN resolution in your country’s favor is already a huge victory because that means the world community is behind your country. That strengthens enormously your country’s position and weakens greatly your advesary’s position. This is how a country defends its national interest. A country cannot just fold up and give up just because the other side is stubborn. That is a childish mentality,” diin ni Carpio.

Pero sabi ni Pangulong Duterte, wala siyang interes sa usapin ng pangingisda ng China sa WPS pero tiniyak niya na magpapadala ng warship sa WPS kapag langis na ang inagaw ng China sa EEZ ng Filipinas.

Wee?! Hindi nga?!

Aabangan na naman ba ng sambayanang Filipino ‘yan?

Asus!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *