UMAMIN si Maymay Entrata na may nagpapasaya na sa kanya. Kasabay nito ang paghiling na respetuhin ang hindi niya pagbanggit sa pangalan ng lalaking nagpapasaya sa kanya ngayon.
Ang pag-amin ay isinagawa ni Maymay sa Mega magazine.
Sinabi ng dalaga na masaya ang puso niya nang matanong ang kanyang lovelife.
“Sa totoo lang po may nagpapasaya na po sa aking puso at nawa’y kahit anong maging desisyon namin ay respetuhin po ‘yun ng aking mga tagasuporta.”
Sa binitiwang ito ng dalaga, pahulaan ang netizens. May humulang posibleng si Edward Barber iyon. O posible namang hindi taga-showbiz ang tinutukoy ni Maymay kaya ayaw niyang banggitin ang pangalan niyon.
Nasabi noon ng Mayward na, ”Sa loob po ng tatlong taon na nandito ang Mayward, nakita niyo po at narinig niyo mula mismo sa aming dalawa ang tunay na nararamdaman namin para sa isa’t isa. Masaya at masarap po sa pakiramdam ang idea ng isang romantic relationship, but as we go along our journey, we realize na hindi basta-basta lang to get into a relationship.
“Sa ilang taon naming pagsasama, sa trabaho man at sa personal, pareho po namin na-realize na sa estado ng buhay namin ngayon, we both are still very young and there is so much more we still want to achieve in our lives.
“Pareho po namin na-realize that being the best of friends will even be more beneficial for us. Mas komportable kami na makakapagtrabaho. Wala pong pagbabago. Kami pa rin ang magkasama dahil there’s no one else we would rather work with than each other.”
SHOWBIZ KONEK
ni Maricris Valdez Nicasio
