NAGSIMULA na ang shooting ng Ang Huling Baklang Birhen sa Balat ng Lupa na isa sa lead actor ay si Teejay Marquez.
Ani Teejay, magkahalong saya, takot, at excitement ang naramdaman niya sa locked-in shooting nila dahil first time niyang makakatrabaho ang batikang director na si Joel Lamangan.
Alam naman kasi ng actor na metikuloso si Lamangan. Pero dream come true ns makatrabaho ang mahusay na director dahil matagal na rin nitong pangarap na maidirehe siya nito.
Kaya naman bago ang shooting, inaral na ni Teejay ang kanyang script at character na gagampaman para handang-handa na siya sa kanilang shooting.
Mas kinabog ang dibdib nito nang makaharap na si Direk Joel, pero nawala ang kaba habang tumatagal ang kanilang shooting.
Mas humanga si Teejay sa sobrang husay at bilis magtrabaho ni Direk Joel at marami itong natutuhan mula sa tamang timpla ng pag-arte hangang sa pagiging propesyonal sa trabaho.
Saludo rin si Teejay sa husay ng kanyang mga kasama sa pelikula mula kina Edgar Allan Guzman, Mimi Juareza, Lou Veloso, Rosanna Roces, Sean De Guzman, Sunshine Garcia, Dave Bornea, Jim Pebanco, Alexis Yasuda, Bo Tejedor, Kristine Bermas, at Phi Palmos. Hatid ng Heaven’s Best Entertainment na pag-aari ni Harlene Bautista.
MATABIL
ni John Fontanilla
