Friday , October 22 2021

18 vaccination sites inilatag ni Mayor Isko

NAKAPAGLATAG ng 18 vaccination sites para sa vaccination program sa anim na distrito ang lungsod ng Maynila.

Ang nasabing bilang ng mga lugar na pagbaba­kunahan ay ginamit sa pagpapatuloy ng vaccination program, kabilang ang nasa kate­goryang A3 o ang mga edad 18 hanggang 59 annyos at may  comorbidities ay maaaring bakunahan.

Ayon kay Mayor Francisco “Isko Moreno” Domagoso, sina Vice Mayor Honey Lacuna, isang doktor, ang mamu­muno sa health cluster ng lungsod katuwang si Manila Health Department chief, Dr. Arnold Pangan, in-charge sa rollout ng bakuna upang tiyaking maayos, ligtas, at banayad ang daloy ng programa.

Sinisikap ng alkalde na mabakunahan ang lahat ng nasa kategoryang A3 at planong ang buong lungsod ay mabakunahan.

Nabatid sa alkalde, ang mga naghahatid ng mga  food boxes at cash aid ay nakasasalamuha ng mga taong umaabot sa 500 hanggang 1,000 bawat isa sa kanilang araw-araw na pagtungo sa mga residente at dahil dito ay mas mataas ang posibilidad na ma-expose at mahawa sa virus.

Sa ilalim ng orihinal na plano, sinabi ng alkalde na napag-usapan nila nina Lacuna at Pangan noon pang Enero na target ng pamahalaan na makapag­bakuna ng maximum na 18,000 katao kada araw o katumbas ng 540,000 kada isang bu­wan.

Umaasa si Moreno, sa rami ng mababakunahan ay magkakaroon ng herd immunity ang lungsod.

Pinasalamatan ng alkalde ang mga opisyal ng national government sa pangunguna ni President Duterete, Health secretary Francisco Duque III, at vaccine czar Carlito Galvez, Jr., gayondin ang Inter-Agency Task Force (IATF) sa bakunang natanggap ng lungsod.

Umabot sa kabuuang 43,885 katao ang nabakunahan hanggang 6:38 pm kagabi.

(BRIAN BILASANO)

About Brian Bilasano

Check Also

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

dead gun police

Sa Negros Occidental
KABIBIYUDANG EMPLEYADO NG CITY HALL TODAS SA BOGA NG TANDEM

ISANG bagong biyudang empleyado ng city hall ang namatay nang barilin ng dalawang hindi kilalang …

Leave a Reply