Friday , March 29 2024
Bulabugin ni Jerry Yap
Bulabugin ni Jerry Yap

‘Gutom’ ng mamamayan mas deadly kaysa Covid-19 (Dahil sa palpak na CoVid-19 response)

LUMARGA na sa Maynila ang ayudang cash mula sa lokal na pamahalaan na pinamumunuan ni Mayor Francisco “Isko Moreno” Domagoso katuwang si Vice Mayor Honey Lacuna.

Ang ipinamahagi ayon kay Mayor Isko ay ayuda mula sa pamahalaang nasyonal.

Taliwas sa mga kumalat na balita, “cash” at hindi “in kind” ang ipinamahagi ng Maynila dahil ayon mismo kay Mayor Isko, ang mga benepisaryo ang nakaaalam kung ano ang kailangan nilang bilhin o paglaanan ng budget.

Isa pa, kahit hindi pa idinedeklara ang ECQ, buwan-buwan nang nagbibigay ng ayudang groceries ang Maynila sa bawat pamilya ng lungsod lalo na doon  sa mga nawalan ng hanapbuhay.

Ang sabi, P1,000 kada miyembro ng pamilya o hanggang P5,000 ang puwedeng ipagkaloob sa bawat pamilya, tama ba tayo Mayor Isko?

Sa lahat ng LGU sa Metro Manila, Maynila ang unang namahagi ng ayudang cash.

Ang Valenzuela, sa Huwebes pa raw habang ang Pasig ay magsisimula ngayong araw.

Kumusta naman kaya ang iba pang lungsod sa Metro Manila? Namahagi na ba kay0?

Sa Taguig, groceries ang ipinamahagi ng mag-asawang mambabatas na sina representatives Alan & Lanie Cayetano.

Maraming natuwa sa ayudang P1,000 cash kada miyembro sa bawat pamilya.

Pero marami rin ang nagtanong, hanggang saan aabot ang P1,000?

Ang mga nawalan ng trabaho, muli na namang maiipon ang utang sa tubig at koryente. At darating na naman ang mga ‘kolektor’ na kung manakot na magpuputol ng koryente o tubig ay daig pa ang ‘berdugo.’

Sa panahon ngayon, na wala nang masulingan ang mga mamamayan na walang mapagkakitaan, talagang  may tungkulin ang pamahalaan na sila ay ayudahan.

Hindi dapat iasa ng gobyerno na gumawa ng paraan ang bawat mamamayan o padre de familia na nawalan ng trabaho dahil sabi nga, sa hanay ng mga pobre ngayon, malamang na mamatay muna sa gutom bago sa CoVid-19.

At dahil ayaw nilang mamatay sa gutom, marami ang sukdulang labagin ang health protocols para dumiskarte ng makakain basta ang importante huwag silang magutom. Mahawa na ng CoVid-19 basta huwag lang magutom.

Naiintindihan kaya ito ng gobyerno o ng IATF o NTF? Mas maraming Filipino ang ayaw magutom kaya mas pipillin nilang lumabag para sila ay mabuhay.

Kailan ba iwawasto ng administrasyong Duterte ang palpak na CoVid response?

Kailan ba nila lulusawin ang IATF at ang NTF na ang namumuno ay mga heneral ng militar at hindi mga siyentista at doktor ng medisina?!

Nabaon nang husto sa utang ang gobyernong Filipino pero walang nalutas kung paano lulutasin o pipigilan ang pandemya.

Tsk tsk tsk…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *