Friday , March 29 2024
shabu drugs dead

2 drug peddler mas piniling mamatay kaysa sumuko

BINAWIAN ng buhay ang dalawang ‘manga­nga­lakal’ ng droga matapos manlaban at makipagbarilan sa pulisya sa anti-illegal drug operation na ikinasa sa bayan ng Marilao, lalawigan ng Bulacan nitong Miyerkoles, 24 Marso.

Kinilala ni P/Col. Lawrence Cajipe, provincial director ng Bulacan PNP, ang mga napaslang na suspek na sina Edison Dizon ng Looban, Brgy. Tabing-ilog, bayan ng Marilao; at Gaudioso Juarez, Jr.,, ng Mapulang Lupa, bayan ng Pandi.

Batay sa ulat, ikinasa ang mga operatiba ng Marilao Drug Enforcement Unit ang buy bust operation laban sa mga suspek sa Brgy. Tabing-ilog, sa naturang bayan dakong 10:20 pm kamakalawa.

Habang nagkakaroon ng transaksiyon, napag-alamang nakatunog ang mga suspek sa presensiya ng mga awtoridad sa lugar kaya umastang manlalaban.

Gayonman, sinabihan ng mga operatiba ang mga suspek na sumuko ngunit binunot ang kanilang mga baril saka pinaputukan ang mga awtoridad.

Dito napilitang gu­man­ti ng mga operatiba at sa ilang minutong palitan ng putok, nasapol ng bala ang dalawang suspek na kanilang ikinamatay.

Sa pagproseso ng Bulacan SOCO Team sa lugar ng insidente, narekober ang basyo, bala, at baril gayondin ang 22 selyadong plastic sachet ng hinihinalang shabu, drug paraphernalia, at buy bust money. (M. BAUTISTA)

About Micka Bautista

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *