TALAGANG maipagmamalaki ang galing ng Kapuso matapos makakuha ng nominasyon ang mga talented GMA artists sa 36th PMPC Star Awards for Movies.
Ang Asia’s Multimedia Star na si Alden Richards ay nominado para sa titulong Movie Actor of the Year para sa kanyang pagganap sa pelikulang Hello, Love, Goodbye.
Para naman sa Because I Love You, nominado si David Licauco bilang New Movie Actor of the Year, habang si Michelle Dee naman bilang New Movie Actress of the Year.
Nominado rin si Royce Cabrera para sa New Movie Actor of the Year para sa Cinemalaya entry na Fuccbois.
Ang mga pelikulang pinagbidahan ng ilan pang Kapuso stars, ang L.S.S. (Gabbi Garcia at Khalil Ramos), Write About Love (Rocco Nacino), at The Panti Sisters (Martin del Rosario at Paolo Ballesteros) ay maglalaban-laban para sa Movie of the Year award.
Samantala, puwede ring masungkit nina Gabbi at Khalil, Kathryn Bernardo at Alden, at Maine Mendoza at Carlo Aquino ang Movie Loveteam of the Year para sa LSS, Hello, Love Goodbye, at Isa Pa With Feelings.
Congratulations sa inyong mga nominasyon, Kapuso!
Rated R
ni Rommel Gonzales
