Friday , January 21 2022

Duterte ayaw paawat sa Presidential events (CoVid-19 kalat na sa gov’t execs and employees)

WALANG balak ang Palasyo na kanselahin ang mga nakatakdang pag­dalo ni Pangulong Rodrigo Duterte sa mga pagtitipon sa iba’t ibang bahagi ng bansa kahit ilang empleyado at opisyal ng Malacañang ang nagpositibo sa CoVid-19.

Katuwiran ni Presidential Spokesman Harry Roque, mababa ang CoVid-19 cases sa mga lugar na pinupuntahan ng Pangulo at nasa ilalim ng modified general community quarantine (MGCQ).

“Si Presidente naman mayroon siyang lakad today and tomorrow, itutuloy po iyan kasi iyong lakad naman niya ay sa area na mababa po ang CoVid ‘no, mga MGCQ areas,” ani Roque sa virtual Palace press briefing.

Kinompirma kama­kalawa ni Roque na nagpositibo siya sa CoVid-19 at kasaluku­yang nasa isang quarantine facility sa San Juan City.

Aniya, pinapayagang manatili sa quarantine facility na government-accredited ang mga indibidwal na nagpositibo sa CoVid-19 at may ilang opisyal ng gobyerno na kasama niya sa naturang pasilidad.

Kabilang sa mga nasa quarantine facility ang isang newscaster/anchor ng state-run People’s Television Network (PTV), dalawang kawani mula sa Media Accreditation and Relations Office (MARO) ng Presidential Communications Operations Office (PCOO), isang Director mula sa tanggapan ni Roque mula sa PCOO at isang undersecretary mula sa isang kagawaran.

“That [isolating at home] is possible because I noticed that I am asymptomatic and people here have symptoms. I would be conferring with my doctor if I would be better off staying here or going home,” sabi ni Roque.

Nabatid na ilang nagpositibong empleyado ng Malacañang ay nakuha ang virus sa pagdalo sa ilang presidential events at pagtitipon ng mga opisyal ng gobyerno.

Matatandaan noong nakalipas na Disyembre, isang empleyado ng PTV ang namatay sa CoVid-19 matapos magtungo sa Davao City para sa soft opening ng Mindanao hub ng PCOO na pinangu­nahan ni Secretary Martin Andanar.

Napaulat ang workplace transmission sa PTV at maraming kawani ang nagpositibo sa CoVid-19 hanggang sa ngayon.

(ROSE NOVENARIO)

About Rose Novenario

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …

Leave a Reply