NANG i–promote ni Sarah Geronino, sa kanyang Instagram account ang mga ibinebentang gulay ng kanyang mommy Divine Geronimo mula sa malawak na organic farm nila sa Tanay, Rizal, ayun nag-isip na agad ang lahat sa social media na nagkabati na ang mag-ina.
Nagpunta raw kasi sina Sarah at husband nitong si Matteo Guidicelli sa birthday Party ni Mommy Divine last March 11 sa mansion ng mga Geronimo sa Mindanao Avenue sa Kyusi. Tapos kinausap raw ni Sarah ang ina at nagkaayos na sila.
Samantala kapag pinanood ‘yung video na ipinakita sa isang vlog ay hinahanap ng Popstar Princess (Sarah) ang kanyang Mama Divine, at dinig ‘yung sinabi niya na akala niya ay nandoon ang ina sa kanilang bahay.
Yes, walang pruweba na ipinakita na nag-usap na ang magnanay at nananahimik si Mrs. Geronimo sa isyu, kaya huwag munang mag-conclude kung okey na sila ni Sarah.
Lalo na itong si Matteo, na according to our source ay kinamumuhian pa rin ni Mommy Divine.
Of course sa panig ni Sarah ay talagang matagal na niyang gustong magkabati sila ng kanyang mother kasi mabait naman talagang anak ang sikat na singer-actress.
VONGGANG CHIKA!
ni Peter Ledesma
